E Prome Minister di Aruba, señor Mike Eman, a bishita Aeropuerto Reina Beatrix pa haya un update riba e situacion operacional cu a afecta vuelonan, aerolíñanan y turistanan. Durante su bishita, e Prome Minister a gradici tur trahadonan di aeropuerto pa nan yudansa, dedicacion y esfuerso pa atende turistanan cu a keda pega.
Segun Prome Minister Mike Eman, danki na e trabou incansabel di e trahadonan na aeropuerto, Aruba por confirma cu pa awe e situacion operacional ta bolbe na normalidad. Vuelonan ta sigui su curso regular y e maneho di pasaheronan a mehora considerablemente.