Fara Luidens, cariñosamente conoci den comunidad como Farita Luidens, ta un persona cu hopi aña di contribucion den e bida cultural di Aruba. Aunke despues di baha cu pension, Luidens a scoge pa sigui activo y envolvi den actividadnan creativo.
Segun Luidens, keda activo ta hopi importante, no solamente fisicamente sino tambe mentalmente. El ta di opinion cu, aunke ora un persona a yega na edad di pension, ta esencial pa sigui stimula e celebro y mantene un bida activo.
Farita Luidens a splica cu e no por a imagina su mes keda na cas sin haci nada despues di pension. P’esey mes el a sigui envolvi fuertemente den mundo di teatro, un area caminda el a inverti hopi tempo y pasion a lo largo di su bida.
Actualmente, Luidens ta trahando riba un proyecto nobo cu, segun el, ta binendo pronto. Aunke e no a revela tur e detaye ainda, el a indica cu ta trata di un proyecto special cu lo contribui na e sector cultural y teatral di Aruba.
Cu su energia y dedicacion, Farita Luidens ta sigui un inspiracion pa hopi hende den comunidad, mustrando cu edad di pension no mester ta un obstaculo pa sigui creativo y activo.
