Prome Minister Dr. Luc Mercelina a ricibi oficialmente e Secretario di Estado Hulandes pa Relacionnan den Reino y Gobierno Eficaz, Eric van der Burg, kende a yega St. Maarten diamars 7 di april. Esaki ta marca su prome bishita oficial di trabou na e islanan di St. Maarten, Saba y Statia.
Despues de a yega y sostene un reunion introductorio cu Prome Minister Mercelina, e Secretario di Estado a continua su biahe mesora pa Saba diamars atardi. Su agenda ta inclui un bishita na Statia diahuebs venidero, prome cu e regresa St. Maarten dia 10 di april.
Na su regreso, Van der Burg tin programa un introduccion oficial cu e Conseho de Ministernan y Parlamento di Sint Maarten.
Continuacion pa e islanan ABC
Despues di cumpli cu su compromiso nan na e Islanan de Ariba (SSS), e Secretario di Estado lo sali pa e di dos parti di su biahe operacional. Esaki lo inclui bishitanan oficial na Aruba, Boneiro y Corsou, caminda lo trata temanan di cooperacion y gobernacion den Reino.
