Un ora pa otro Benny Sevinger, Pieter Sussebeek y Leoncita Arends lo mester bay meld na KIA. Por a compronde cu e abogadonan a haya carta di Ministerio Publico pa e tres acusadonan bay Ministerio Publico pa reuni cu e hefe Fiscal pa palabra e dia y ora cu nan mester bay KIA pa sinta nan castigo.
Ta asina cu despues di e decision di Corte Supremo dia 14 April 2026, nan tabatin 9 dia pa reacciona. E dianan a pasa y awor mester ehecuta e sentencianan. Benny Sevinger mester bay 4 aña di prison di cual 1 aña ta condicional. Leoncita tin cu bay 2 aña di prison di cual 1 aña ta condicional. Pieter tin cu bay 30 luna di prison, di cual 10 luna ta condicional.