Un accidente basta serio a tuma luga durante fin di siman riba e caminda T Kruising di paradera pa Jaburibari. E suceso no a sosodé riba un T kruising desconoci unda accidente ta pasa frecuentemente, awe un biaha mas un descuido a resulta den un impacto fuerte.
Segun informacion recopilá na e sitio di suceso, un auto tabata biniendo for di pabou y, pa un motibo of otro, e chauffeur no a logra mira un brommer cu tabata acercando. Ora e vehiculo a lora pa denta pa drenta e direccion di Jaburibari, e no por a evita e colision.
E impacto tabata di tal magnitud cu e persona riba e brommer a keda tira un distancia basta leu for di su vehiculo. Ambos vehiculo a ricibi basta danjo material
Ambos chauffeur tabata den un estado di schok despues di e susedido. E persona riba e brommer a keda kehando fuertemente di dolor debí na e golpinan ricibí.
Personal policial y un ambulans a presenta rapidamente na e sitio pa asina duna e prome asistencia medico na e herido y inicia e investigacion preliminar pa determina e causa exacto di e accidente
