Diahuebs anochi algo pasa di 9’or polis a bay ariba Green Corridor. Mas pariba di Tele Aruba unda cu a tuma luga un accidente entre un van y un KIA Rio.
Na prome instante a papia di un accidente di cadena( kettingbotsing), pero na yegada tabata trata di 2 auto.E autonan envolvi ta un Van y un Kia Rio. Poco mas leu por a mira un cacho morto.
Na e sitio nos por a compronde cu e Kia aparentemente tabata para ariba caminda, no ta conoci pa nos si esaki lo por tabata tin di haci cu e cacho. Esaki a pone cu e VAN dal basta duro tras di e KIA.
Na yegada di ambulance nan a atende cu hende muhe, cu lo tabata den e Kia Rio. E la wordo atendi na e sitio mes. Dos ambulance a yega, pero na final ta uno so tabata tin mester.
Personeel di Green Corridor mester a wordo yama, pa haci e caminda limpi mirando cu hopi cos a keda gespart rond y tambe mester a piki e cacho morto.
