ACE Club ta presentá ku orguyo “Bòshi Aventura”, un kantika nobo kanta pa tres hoben Juliendra Janga, Keithley i Eithrich Torregrosa. E komposishon ta inspira pa e tema di Siman di Buki pa Mucha 2025: “Boshi aventura” i ta hiba tur mucha den un mundu di fantasia, amistat i aventura.
Hóbenan di ACE Club, huntu ku nan coach, a traha riba e kantika i e vidio klep durante un seshon kreativo ku tabatin. E vidio klep ta un refleho di nan propio imaginashon, kaminda nan a duna bida na
kada palabra pa medio di koló, moveshon i ritmo. Bòshi Aventura no ta djis un kantika, sino un ekspreshon di e kreatividat i poder di imaginashon di e hóbennan Boneriano.
Ku Bòshi Aventura ku ACE, ACE ta sigui ku su meta pa uni músika, arte i edukashon.
ACE ta invitá komunidat Boneriano pa for di dia 17 di november subi You Tube i skibi: ACE – BÒSHI AVENTURA FEAT. JULIËNDRA, KEITHLEY & EITHRICH i lo bo por disfruta di e tremendo videoclip produsi
pa ACE Foundation su lidernan Zoe Bernardina i Xechell Jacobs. Huntu ku e kantika aki skolnan ta risbi tambe un manual ku tareanan kultural artistiko relata na e topiko i kantika.
E kantika aki ta un aporte mas di ACE Foundation na mas kantika pa mucha. Paso mucha mester skucha kantika adekua pa mucha.
