Esaki ta e mensahe di mas speransa cu esna cu ta traha den e lucha contra e virus di HIV ta hiba. Awe prome di December ta dia international di HIV.
Desde cu a registra e prome casonan den decada di 80, mas cu 40 miyon persona a fayece pa causanan relaciona cu HIV y e fase mas avansa di e infeccion cu e ta provoca, e sindrome di inmunodeficiencia adkiri (AIDS).
E a cobra 450 mil bida y 1.5 miyon di persona a haya e virus, segun calculonan di Organisacion Mundial di Salud (OMS). E organismo ta calcula cu 38,4 miyon di persona cu ta biba cu HIV, mas di dos tercera parti n Africa.
Aunke cu danki na diagnostico tempran y cada bes acceso mas amplio na remedi, na hopi parti di mundo el a bira un pueblo di salud cronico tratabel. Incluso tin paisnan cu ta cerca di elimina esaki.
Awe prome di december, Dia Mundial di lucha contra AIDS, nos ta conta awe cual ta e tres avancenan mas prometedor.
1. Anti retro viralnan mas eficaz (y comodo)
HIV ta ataca e sistema immuun y ta debilita e defensa contra hopi infeccion y cierto tipo di cancer cu e personanan cu un sistema inmunitario mas fuerte lo por combati mas facilmente.
Por atende esaki cu terapia antiretrovirico o sea TAR.
Desde 2016 OMS ta recomenda duna TAR pa resto di bida na tur esunnan cu tin HIV, incluyendo muchanan, adultonan y tambe muhenan na estado cu independencia di su estado clinico.
Como consecuencia, aña pasa tabatin na mundo 28.7 miyon di persona infecta cu HIV den tratamento cu antiretrovirico. E combinacion di remedi no ta cura e infeccion, pero ta wanta e virus di replica den e curpa y ta permiti cu e sistema inmunitario recupera forsa.
Loke cu a siña den e ultimo añanan ta cu un tratamento eficaz ta reduci e riesgo di transmision cu un 100%.
Ora cu un persona tin un carga viral indectectabel e no por transmiti e HIV na ningun persona. Esey ta un elemento vital, no solamente pa combati e malesa pero e stigma asocia cu esaki. Ademas, den e ultimo añanan no tabatin avancenan “revolucionario” den loke ta e terapianan.
E situacion a cambia hopi desde añanan 90 of inicio di 2000, tempo cu e pashent mester tin hopi pildo pa dia y cu ta causa hopi efecto secundario.
Awendia e tratamento ta consisti di un pildo pa dia y no ta causa complicacionnan grave. Aunke cu ta sigui desaroya riba e tereno aki, investigando terapianan ta algo di duracion largo.
Aña pasa FDA di Merca a aproba e prome tratamento di accion prolonga, un hangua dos bes pa luna di dos remedi. Esaki ta pa preveni e contagio di HIV.
Medicamento preventivo exitoso
Den e tratamento a dal pasonan grandi, pero e berdadero revolucion a bini di banda di prevencion. Ta trata aki di profilaxis, prome cu e exposicion y cu ta conoci como PrEP.
Si tuma e PrEP diariamente por reduci cu mas di 90% e posibilidadnan di contagia cu e virus cu ta causa AIDS atrabes di sex o un 70% ora di uza hanguanan no sterilisa of uza door di diferente pero na, segun Centro di control y Prevencion di Malesanan di Merca (CDC).
E farmaceutico Mericano Gilead Sciences a cuminsa comercialisa esaki na 2012 bou di e marca Truvada.
Y tres aña despues OMS a cuminsa recomenda su uzo pa preveni HIV entre e grupo cu riesgo halto di keda contagia, manera homosexualnan, homber nan bisexual y nan pareha femenino,, trahadonan sexual of pareha di un persona infecta cu e virus.
Aunke su resultado por wordo sinti den paisnan desaroya, e prijs halto di e tratamento aki a mantene aleha di zonanan mas vulnerabel.
Kico e ta y con e e PrEP ta funciona, esta e pildo pa preveni HIV cu Chile a cuminsa reparti gratis. Recientemente a aproba e remedi aki via di hangua tambe y e ta di duracion largo.
Mester bisa cu den e ultimo añanan, e tasa di contagio di HIV a stabilisa y PrEP via di hangua ta e prome remedi di tecnologia nobo cu parce ta yuda den prevencion di HIV den hopi tempo.
3. Investigacionnan pa un hangua
Apesar di cuatro decada di investigacion, ainda no ta existi un vacuna contra JIV.
E intentonan mas reciente pa desaroya esaki ta encera un test clinico di tres vacuna experimental basa riba e tecnologia di ARN mensahero (ARNm) sintetico, uza caba den algun vacuna contra COVID.
E test ta wordo haci door di Instituto Nacional di Alergia y Malesanan Infeccionoso (NIAID) y ainda e ta den prome fase.
A keda demostra cu a haya un vacuna contra HIV ta un reto cientifico grandi. Cu e exito den desaroyo di e vacunanan sigur y eficaz contra COVID, expertonan ta kere cu tin un chens grandi di exito pa resultadonan similar contra infeccion di HIV.