Diabierna ultimo famia di Ayden Lanoy a keda yama pa Ministerio publico pa asina haya mas informacion di e caso y kico ta e status di e caso. Vocero di e mayornan di Ayden Lanoy Max NG ta duna di conoce cu e informacion cu a ricibi ta trata di cu no ta 18 bala a keda tira pero 20 bala a keda tira den direccion di e hoben Ayden Lanoy. Esaki a keda confirma despues di un analisis di Hulanda a bin aparenta cu ta trata di 20 bala y no 18. Esaki ta significa a tira mas bala den direccion di Ayden Lanoy cu e mes tin na bida, pero di e 20 balanan aki aparentemente 1 bala a alcansa Ayden Lanoy y cu e un bala ey tabata suficiente pa e hoben a perde su bida mesora.
Tambe Ministerio publico a indica cu e polis nan lo keda persigui den e caso aki y lo mester aparece den un corte penal unda cu nan ta wordo persigui pa complice homicidio. Tambe tin algun informacion mas detaya cu Ministerio Publico a informa e mayornan, pero cu e informacionnan aki ainda ta hopi delicado pa papia riba nan debi cu ainda tin investigacionnan cu ta andando y mester duna espacio na Ministerio Publico pa por haci e investigacion debidamente.
Sinembargo complice homicidio ta significa hopi , na momento cu ta trata di homicidio ta significa cu e persona tabatin e intencion di kita e bida di un hende y e la comete e acto aki tambe. Sinembargo e manera cu ta prueba intencion ta cu si por wak un consecuencia tin un chance halto di pasa y tog ta actua onverschillig relaciona cu e consecuencianan aki.
Sinembargo complice homicidio ta significa hopi , na momento cu ta trata di homicidio ta significa cu e persona tabatin e intencion di kita e bida di un hende y e la comete e acto aki tambe. Sinembargo e manera cu ta prueba intencion ta cu si por wak un consecuencia tin un chance halto di pasa y tog ta actua onverschillig relaciona cu e consecuencianan aki.
E parti complice ( complice di homicidio) ta paso e acto aki tabata den dos, dos hende e carga e acto aki, dos hende a comete e acto aki, cu ta haci cu nan dos ta complice di otro. Ambos di e polisnan tabatin participacion crucial pa percura cu e resultado ta wordo realisa di e acto ilegal aki.
E famia mes a haci ministerio publico diferente preguntanan, Pero no ta tur pregunta por a keda respondi ainda, pero abase di e prueba cu tin disponi te cu awo na ministerio publico por a constata 1, a cuminsa tira Ayden Lanoy na momento cu ta trata di huy di nan, esaki ta un circunstancia hopi importante debi cu si kier bisa cu tabatin defensa propio mester tin un peliger eminente biniendo na e momento ey riba bo como polis, y aparentemente esaki no tabata e caso.
Na momento cu kier bisa cu tabatin defensa propio mester mustra cu e uzo di forsa y violencia tabata proporcional relaciona cu e defensa di bo mes un bida den e caso aki. Sinembargo 20 bala ta hopi leu di proporcional. 2. Tambe mester mira e subsidiariteitsbeginsel cu ta splica basicamente cu den tur e opcionnan cu tabatin pa stop e peliger cu den e caso aki ta parce cu no tabata ni existi , segun Max NG polisnan mester a kies semper e opcion di menos daño.
Si mester mira e circunstancia unda cu susedido a pasa na Madiki unda cu tin hopi cas y hopi hende ta biba, no a trece solamente e bida di Ayden na peliger, pero tambe di otro hende nan cu kisas lo ta cana den bisindario y of cu nan ta den nan cura of cu ta personanan cu ta lanta mainta trempan cana y haci deporte, nan bida tambe e ora lo ta na peliger, e bala por a alcansa e hende nan aki tambe.
Esaki ta pone cu e acto no ta un acto subsidiario. Aunke cu central a duna mensahe pa stop e achtervolging nan no a haci esaki, tambe nan por a tuma decision di tuma e nummerplaat y despues e siguiente dia acerca e hoben na su cas, pero tampoco nan no a scoge pa haci esaki.
Banda di tur esaki e defensa mester ta necesario, pero con necesario un defensa mester ta si no por papia di ningun peliger cu tabatin te cu awor. Si un persona ta huy di bo con esey ta forma un peliger pa bo?. Segun Max NG ta mustra , ta aparenta cu e uzo di violencia no tabata necesario tampoco.
Max NG ta indica cu posiblemente ta papia di culpa en causa, esaki ta encera cu si abo mes a crea un situacion peligroso y cu a ocasiona na fin di dia un delito e ora ey no por bin despues dia di mañan y purba exonera bo mes di e responsabilidad di esaki.
Aruba ta un pais democratico, hopi ta ser papia di ta un pais democratico, nos por ta den un estado di derecho y democracia, esakinan ta palabranan hopi bunita pero den practica nan ta keda hopi cortico, segun Max NG. Lamentablemente pruebanan di camaranan di casnan den bisindario cu a haya esaki ta biba un miedo den e hende nan pa papia y conta e berdad, tin entendi hasta menasa a cay, mirando cu tur ta hala atras si mester dies pensa pa declara contra di polis na polis?, porehempel den e caso aki di Ayden Lanoy unda cu pa supuestamente un luz kima patras e la keda tira cu 20 bala y un a alcanse y a ocasiona su morto. Abo como ciudadano lo declara contra polis na polis? Aki ta caminda cu por compronde cu ciudadanonan ta sinti nan mes intimida y democracia no ta conta aki.