Diamars mainta pa 11:11 central di polis ta wordo notifica di un accidente basta serio cu a tuma lugar na e t-kruising Yaraweg Savaneta.
Na yegada di patruya ta bin enconttra cu un Kia Rio nr A-8841 y un Nissan Cube nr A-71614.
Un paar di minuut despues Ambulance ta yega na e sitio y ta cuminsa trata e chauffeur di e Kia Rio cu tabata mustra critico. A cuminsa cu CPR pero lamentablemente no por a haci nada mas . Pa 11:40 dr Ramautar ta constata morto di Hubert Hendrik Maduro naci na Aruba di 61 ana.
Specialista di trafico, polis technico y slachtofferhulp a presenta na e sitio di e sucedido.
Cuerpo Policial ta manda palabra di condolencia na famia di e fayecido.
Aruba ta conoce su di 5 morto den trafico.
