Aruba ta bay drenta e luna di maart cual ta e luna cultural caminda cu ta celebra dia di Himno y Bandera. Pa cu e evento nacional aki departamento di cultura tin diferente eventonan programa y un di nan ta Poeta di Patria. Vocero di departamento di cultura Junrior Arends ta duna di conoce cu Poeta d i patria ta e competencianan di poesia di nos hendenan cu ta dedica na nos Pais , specialmente na nos himno y bandera.
E inscripcion a habri pa asina por participa na poeta di patria 2025. E competencia lo tuma luga na fortzoutman y lo ta di 7 or pa 10 or di anochi. E ultimo dia pa inscribi lo ta dia 3 di maart 2025. Esunnan cu a inscribi e ultimo dia pa nan por entrega nan poesia ta dia 7 di maart 20205.
E personanan cu por competi ta di 21 anja bay ariba y nan por inscribi na e mail artedipalabra@gmail.com of por pasa tambe na departamento di cultura pa por inscribi. Na momento cu e participantenan inscribi nan lo ricibi tur nan criterionan di poeta di patria
Departamento di Cultura ta anima tur hende pa mustra nan amor pa nan Pais y participa na poeta di patria y vocifera esaki pa Aruba y mundo.