Alrededor di 3.45 or di atardi, un atraco arma a tuma luga na postkantoor. Despues, e sospechosonan a huy den un pick-up dobel cabina colo blanco di e marca Mitsubishi. Algun rato despues, polis a topa cu e pick-up den bisindario pariba di Yato Bako. A confisca esaki pa mas investigacion. Pa e motibo aki a cuminsa un buskeda grandi den e area y cu yudansa di helicopter. Te na e momentonan aki no a topa cu e sospechosonan. Ta investigando e caso.
KPCN ta pidi cualkier persona cu por a mira algo, tende algo of tin informacion tocante di e caso aki, pa tuma contacto cu polis na 911 of via di e liña di tep anonimo 9310.