Consensus ijkswet ta basta riba un acuerdo cu gobienro ta firma y Aruba a firma un acuerdo , esaki ta e Bestuurlijk Akkoord . Gobienro di MEP a firma un acuerdo cu Hulanda pa incamina e proceso di Rijkswet cu Hulanda a pone riba mesa.
E eho ta cu Aruba a yega na un acuerdo cu Hulanda pa cuminsa encamina e caminda pa un consensus Rijkswet. Esey kiermen cu Aruba ta mara na man cu pia pa cumpli cu full e proceso pa encamina pa un consensus Rijkswet.
Hulanda ta pone di su banda cu tin afspraak cu a firma pa atende cu ne y gobierno di Aruba mester atende cu ne y mester cumpli cu ne , den e caso aki e Bestuurlijk Akkoord cu a firma mester cumpli cu e caminda cu e mester cana.
Sinembargo loke mester ta bon cla un Bestuurlijk Akkoord NO ta un Consensus Rijkswet. E Bestuurlijk Akkoord ta e puntonan cu lo mester bay discuti riba dje pa e bira un posibel consensus Rijkswet of no un posibel Consesnsus Rijkswet.
Acuerdo ta acuerdo pero na mes momento esaki no kiermen cu e acuerdo, dus e Bestuurlijk Akkoord no por wordo ahusta specialmente si tin circunstancianan na caminda ta cambia. Aki ta caminda cu e gobierno di AVP-FUTURO no a lucha y negosha pa Aruba, a dies bay segun Hulanda , y NO a para pa Aruba, ta parce cu historia ta ribiti na momento cu a bay segun Hulanda su amen na 12-8 y no a lucha pa e firmantenan cu a firma pa Aruba haya mas autonomia 8-8.
Aki ta mira e incapacidad di gobernantenan di AVP-FUTURO cu no a negosha y para pa Aruba mirando e circunstancianan a cambia y Aruba tabata den e bon caminda y tin surplus y un consensus Rijkswet no tabata necesario mas.
Si por duna ehempel na mas Bestuurlijk Akkoord dus acuerdonan firma tabata tin tambe acuerdonan den e temporada cu Aruba a haya su mes confronta cu COVID. Tempo cu COVID a bin Aruba tabatin hopi acuerdo nan firma dus hopi Bestuurlijk Akkoort firma cu Aruba mester a cumpli cu ne y pa e tempo ey cu tabata leu di vence. Sinembargo door di e circunstancia nan a negosha y a scoge pa ahusta e acuerdonan , dus cu e aguerdo nan prome a cambia pa acuerdonan nobo.
E echo cu tin un Bestuurlijk Akkoord “ un acuerdo “ no kiermen Aruba no ta mara na man cu pia na dje y sigur no un acuerdo cu ta basa riba un consensus cu mester existi durante full un proceso cu no a existi tampoco. Loke mester ta bon cla cu circunstancianan por hiba na e echo cu por bisa NO y negosha y ahusta kico a palabra inicialmente pa acorda riba dje.
Gobierno di Aruba , esta Gobienro di MEP e tempo ey a acorda un proceso pa un consenso Rijkswet y despues di a firma e acuerdo dus e Bestuurlijk Akkoord aki Aruba a cuminsa mira resultadonan hopi bon di e proceso inicia na momento cu Aruba a haya COVID y cu Hulanda no tabata tin e confiansa cu Aruba lo Sali padilanti fuertemente y e turismo lo crece.
Na momento cu a mira e proceso aki mester a negosha bek e Bestuurlijk Akkoord dus e acuerdonan pero esaki e gobienro di AVP –FUTURO no a haci nan a laga Aruba cay y dies no negosha na bienestar di Aruba su autodeterminacion , pero a prefera di laga e acuerdo nan asina y pidi placa a cambio cual Aruba no tin mester mirando cu Aruba ta den un surplus yno tin mester di e 800 mil cu gobienro di AVP –FUTURO kier a cambio Articulo 38 y 42 den HOFA cu Aruba ta perde su autodeterminacion.
Gobierno di MEP a firma un bestuurlijk Akkoord pa negosa pa posibel Consensus Rijkswet si Aruba no pone su cosnan den ordo finansieramente debi cu na 2017 Aruba a ricibi un KB di Hulanda mirando e mega debe cu AVP a hinca Aruba den dje y despues di esey gobienro a cambia y a drenta COVID unda cu Gobienro di MEP a haya su mes cu e tarea pa drecha e finansas devastador du AVP a laga atras, y e pandemia cu a drenta cu mester a presta placa na Hulanda pa cada un di nos na Aruba por a biba, ricibi cuminda por a biba y cobra salario aunke cu Aruba tabata pasando den su momentonan di mas dificil cu tabata atende cu e debe cu AVP a hinca Aruba den rood y e pandemia di COVID.
Sinembargo na momento cu esaki nan tur a pasa y cu Aruba tabata canando den e caminda bon y su finansas ta na ordo e pueblo di Aruba a vota pa Gobienro di AVP –FUTURO cu ta e mes un gobierno cu a hinca Aruba den e MEGA na 2017 y e partido FUTURO nobo cu a campania cu e SI ta kere den Rijkswet y e la traha pa e Rijkswet tambe y a mobilisa tur cos y pone Aruba den un skina cu un Rijkswet awe sin consensus di parlamento di Aruba y pueblo di Aruba.
E bestuurlijk Akkoord mester a wordo negosha paso Aruba tabata den e bon caminda, pero e Gobienro di AVP –FUTURO no a negosha nada pero a dies entrega y aproba e bestuurlijk Akkoord cu a transporma den e Rijkswet sin consesnsus cu Minister Mike Eman, Gerlien Croes y Geoffrey Wever a firma.