InternacionalBonaire

Boneiro ta mira posibilidad pa tur seis Aduana di islanan den Caribe por traha den cooperacion cu otro

Gezaghebber Interino Nolly Oleana

Den e bishita di Secretario di estado pa finansas di Hulanda  Aukje de Vries na Boneiro , gezaghebber suplente Nolly Oleana a elabora riba e reunionnan cu a tuma luga. E prome topico cu a papia riba dje ta pa mira kico ta e posibilidad nan cu tin  pa elimina invoerrechtten riba tur mashin y materialnan cu ta necesario riba agricultura. Lo studia e posibilidad, mirando cu si esaki sosode lo por baha gasto na Boneiro, pero tambe fortifica e sector di agricultura, segun gezaghebber suplente Nolly Oleana.

Tambe a reuni riba e posibilidad pa e aduananan riba tur seis islanan pa nan por traha den cooperacion cu otro. Alabes tambe a wak e posibilidad tambe si tin estudio riba un of otro area relaciona cu aduana cu por haci esaki den conhunto cu otro. Segun gezaghebber suplente Nolly Oleana naturalmente mester crea e momento y e structura pa haci esaki y na mes momento a discuti algun di e posibilidad nan y un di e posibilidad nan ta cu riba dia internacional di aduana cu ta 26 di januari lo por uza e dia ey pa constantemente aña aden aña afo pa e personanan di aduana sinta y elabora riba diferente topico.

Un di e otro puntonan cu a bin dilanti ta cu e echo cu na Boneiro durante cu practicamente un paar di biaha pa aña tin reunion di centraaldialoog y e dunadonan di trabao di gargo a duna di conoce pa wak kico ta e posibilidad pa haci pa baha e momento, e periodo cu un container cu ta yega Boneiro, cu e por yega mas lihe cu ta posibel na su destinacion.

Segun gezaghebber suplente Nolly Oleana den e parti aki ya caba tin algun posibilidad cu a ser discuti y cu belastingkantoor ta haci uzo di dje, pero den futuro ta e idea pa wak mas pronto cu ta posibel e hendenan por haya nan container mirando cu Boneiro ta depende tambe riba un gran parti di importacion.

Durante di e reunion di siman pasa di centraaldialoog a bin un aspecto padilanti di un preocupacion di esunnan cu ta dentistanan pa puntra kico ta e posibilidad nan cu por tin mirando cu e cuido di djente ta parti di e cadena di cuido y e grupo di dentista a puntra di kico ta e posibilidad nan por tin pa elimina invoerrechtten riba productonan of mashinnan cu ta necesario pa atende cu djente.

Na Boneiro tratamento di djente no ta algo barata. Sinembargo e punto aki e delegacion a keda pa mira kico ta e posibilidad nan cu por tin den e pari aki. Alabes lo mester studia e ley pa wak si di berdad por elimina e impuesto di importacion riba productonan y material nan cu ta necesario pa dentistanan.

Tambe a elabora riba siguridad pa asina mira con ta controla cu containernan no ta drenta Boneiro cu producto of substancianan ilegal, den e parti aki tambe a intercambia idea pa asina mira kico ta e posibilidad nan cu por tin. Na final di e reunion a palabra cu lo keda den contacto estrecho cu otro pa asina tuma accion riba e diferente puntonan cu tin pa asina tur e puntonan haya solucion permanente.

 

Related posts

NINA wig studio di korsou cu charla interesante na Boneiro

EA News Author

Gregory Damoen renombra miembro di Cft riba proposicion di Corsou

EA News Author

Konseho na pasahero pa pasa e angua kontra corona na tempu

EA News Author

1 comment

Leave a Comment

Whatsapp Message