BonaireFeaturedInternacional

Boneiru ta prevení desaster di naturalesa pa medio di esfuerso komun

Picturesorobon

Danki na e dedikashon i kolaborashon inkansabel di STINAPA, kuerpo di bombero, defensa, empresarionan lokal i Entidat Públiko Boneiru, a logra evitá un desaster di naturalesa potensialmente devastador na Boneiru. E menasa ku por tabatin konsekuensia serio pa nos naturalesa i nos komunidat, pa medio di esfuerso konhunto a keda limitá na un mínimo.

Nos ta kontentu di por partisipá ku e bichnan rònt di Lac Bay ta limpi atrobe. No por topa ku niun rastro mas di petroli, danki na e akshonnan aktivo ku a kuminsá kuné, inmediatamente despues di a señalá e peliger. Esaki ta un paso importante padilanti pa loke ta trata rekuperashon di nos ambiente natural i un testimonio di nos resiliensia.

Aunke a limpia e bichnan rònt di Lac Bay, nos ta konsehá suidadanonan i bishitantenan ku drenta laman te ainda ta riba propio riesgo. Nos ta verwagt ku for di djaluna 11 di mart laman ta kompletamente seif atrobe i lo ta habrí atrobe pa tur aktividat. Tin petroli visibel sí ainda riba algun piedra kantu di nos kosta. No por kita e restunan akí ku mashin, pero segun espektativa den kurso di tempu ku forsa di naturalesa nan lo gasta i kita sin hasi daño permanente na nos medio ambiente.

Gezaghèber interino Nolly Oleana a kompartí su alivio i satisfakshon tokante e aserkamentu efektivo: ‘Ora mi a mira loke a pasa, mi a spanta mesora. Mi a pensa ku esaki ta kuminsamentu di hopi problema. Mi ta hopi kontentu ku e trabou ku mi a mira di tur hende. Nunka mi no a verwagt ku nos por a rùim òp tur e polushon asina rápido. A resultá despues ku e daño no tabata asina grandi.’ 

E suseso akí un biaha mas a proba Boneiru su resiliensia i sentido di komunidat. Huntu nos ta para fuerte kontra e desafionan ku e bunita komunidat di nos isla por topa kuné. Nos ta gradisí tur hende ku a duna un aporte na e operashon eksitoso akí i nos ta keda dediká na protekshon i konservashon di nos rikesanan natural úniko.       

Related posts

Ta un berguensa con Hulanda ta trata Aruba y den speechnan ta papia di traha Hunto pa miho

EA News Author

SER-nan di mundu ta revisá kolaborashon ku OIT

EA News Author

Minister di finansas xiomara maduro: BTW no lo bin mas pa awo

EA News Author

Leave a Comment

Whatsapp Message