Local

Bulletin: Aruba Timeshare Association


ORANJESTAD,Aruba

Apreciabel miembronan di Vacation Ownership Aruba,

Cu e desaroyo global di e CoVid-19 crisis, hopi di boso ta experienciando varios desapunto significante tocante perdida di vacacionnan tan anticipa. Nos ta sigui noticiero global, y nos sa cu boso bidanan a wordo afecta grandemente e ultimo temponan aki.

Akinan tambe. Den e ultimo simannan nos tras, Aruba no ta hayando turista mas, hopi resort a clausura nan operacionnan, y un cuarentena general a wordo anuncia desde 20 di Maart, 2020, entre 9’or di anochi pa 6’or di mainta. Mayoria negoshi a cera, cu excepcion di lugarnan cu ta bende comestibel y botica, cual ta permiti pa keda habri te cu 8’or di anochi.

E isla ta experienciando momentonan hopi dificil, y nos meta ta pa nos por laga nos empleadonan keda riba payroll y nos resort permanece den bon condicion pa con largo e ta posibel financieramente y humanamente.

Na prome luga, nos ta bay pasa e crisis aki manera partners.

Nos industria ta resistente. Bosonan tabata entre e ultimonan pa bay y nos ta sigur cu boso lo ta entre e promenan pa regresa tambe. Nos isla a yega di pasa door di varios reto caba, y cu sosten di Timeshare/Vacation Ownership, Aruba a logra pone su economia bek riba bon caminda, y lo bay recupera manera cu e tormenta viral aki yega su final.

ATSA tin confiansa cu e vacation ownership resorts lo sali for di e situacion aki mas fuerte, pero nos mester keda uni, sin miedo y positivo na tur momento.

Nos asociacion ta na altura cu e miembronan di resort, staff, partner strategico y economia di Aruba ta depende na nos industria, y nos no lo laga nos One Happy Island na caya.

Nos ta pidi bo pa tin pasenshi, pasobra nos no sa e impacto of duracion di e crisis, pero nos lo mantene boso informa.

Manera consecuencia economico directo di e prohibicion di vuelo, nos hotelnan ta bashi y concesionarionan a wordo forsa pa cera. Den e siguiente lunanan nos dilanti, bo por conta cu ATSA pa ta pro activo den busca alivio, y yudando e Vacation Ownership resorts pa mantene nan cabes riba awa, den cuadro cu e crisis di e virus aki, cual a termina na duna Aruba un sla hopi grandi na su economia y recursonan economico di tur hende.

Nos ta determina pa haci kico cu tin mester pa bo por regresa na bo dushi isla, pa bo por tambe regresa na disfruta di dianan feliz atrobe.

Nos ta desea bosonan hunto cu boso famianan salud y siguridad, y nos ta spera di por bisa boso bon bini bek na boso segundo hogar pronto. Keda safe y tur cos bon.

Mantene nos den boso oracionnan.
Concentra riba e luz na final di e tunnel.

Related posts

MetaCorp ta un empresa significante den historia di Aruba

EA News Author

Parlamentario Dr. Dellanire Maduro: Ta importante pa bin cu mas concientisacion riba autismo

EA News Author

E siguiente simannan Aruba lo tuma nota di e consecuencia real di e brote den “Hotzone”.

EA News Author

Leave a Comment