Campeonato di futbol a cuminsa diabierna 27 di september caminda cu e dos ekiponan di Dakota y jong Aruba a habri campeonato unda cu Dakota a gana un score di 5-0. Santa fe ta e ekipo cu mester a participa den division di honor pero nan a informa cu nan no por a continua cu e campeonato y AVB a acerca Bubali y Bubali no a acepta pa hunga y participa den division di honor y si mester sigui e regla ta acerca jong Aruba unda u si a acepta esaki y asina a completa e 10 teamnan pa hunga den division di honor.
Di e manera aki campeonato a ranca Sali diabierna tras di lomba unda cu ta bay tin 1 wega riba diabierna , dos wega riba diasabra y dos wega riba diadomingo. Den division di honor tin 10 team, den division 1 ta haya pool A y pool B ta consisti di seis team di cada uno. Tambe tin division di dama cu ta consisti di 5 team. E campeonato a start september y ta finalisa december. Dne december lo cuminsa mira kende ta e prome 6 nan cu ta sigui den e division liga honor 1 y esnan na di 78910 luga ta pa bay hunga den division liga honor plata y e prome 4 team nan di division 1 pool A y pool B ta join e liga honor plata y e resto di team nan ta sigui hunga division 1 . Esaki ta e prome ronde pa asina mira cua ta e prome team nan cu ta keda hunga halto, cua ta baha y cua ta keda den division 1.
Sinembargo for di tres siman pasa caba e liga nan infantil tambe a cuminsa hunga cu ta U15 y U13 unda cu nan ta midi forsa pa asina wak den cua categoria nan ta bay cay.
Raymbert Bikker vocero di AVB kier encurasha tur mayor y hobennan pa bin veld y mira e weganan cu ta tuma luga pa asina apoya e deportistanan pero na mes momento pa mira y sinti cu abo tambe como hoben kier ta riba e veld un dia pa bira un deportista di futbol y pa hunga den weganan pa representa Aruba.
Ta di atmira na momento cu sea ta mama, tata, tio , tia y of wela bin cu nan yiu nan veld pa asina mira weganan di e deporte di futbol pa asina encursaha e hoben pa bira un futuro futbolista, pero tambe importante ta cu e famia nan tambe apoya e hobennan cu ya caba ta hungando pa bin mira nan yiu y apoya nan yiu riba veld, Tin di actonan asina ta importante pa e desaroyo di e mucha y di e manera aki ta mustra amor y ta comparti cu e muchanan.
Ta hopi great pa mira ora cu stadionnan ta yen pa sinti e ambiente di futbol na Aruba.
Diabierna ultimo a hunga Dakota contra United unda cu Dakota a gana 5-0
Awe diasabra 5 di october e prome wega ta bay ta Britania / Estrella pa e prome wega y di dos wega ta bay ta Nacional /Unistars. Diadomingo dia 6 october lo hunga prome wega Jong Aruba /RCA y den e di dos wega lo hunga Reverplate / La fama.