Ku e meta pa yuda promove Dia di Rincon
E projecto Career ta sigui promove artistanan nobo pa Boneiru. Despues di a lansa e artista Yajro ku su kantika Krioyo “Kabe’pabou” awor ta ora pa lansa e videoclip ku lo soru pa e kantika bira visual, asina tur hende por mira ken ta Yajro i disfruta di e mensahe na un manera simpel i kolorido. E meta tras di e video clip aki ta pa duna un aporte i yuda promove e fiesta di dia di Rincon. Yajro ta gusta e ambiente asina tantu ku ela disidi di konta kon ela jega Rincon e prome biaha ku ela selebra dia di Rincon. Yajro i Engelhart Production a traha riba un videoclip super simpel i fasil pa laga tur hende kompronde kon un hende ku bin for di otro pais lo por jega Rincon. Den e kantika i ku ilustrashon den e clip lo bo mira vaios punto importante ora ku bo ta na Rincon. Manera Yajro a indika den entrevistanan anterior ku e tabata un kantante di Urban i den kombersashon ku su mentor Xemio Jacobs nan a jega na e desishon di ban pa un reto i traha riba un kantika nobo pero den e genero Krioyo. Yajro a asepta e reto i a bai den un training intensivo i ela logra. Yajro ta sumamente satisfecho ku e aseptashon rapido di pueblo di Boneiru pa loke ta trata su kantika “Kabe’pabou”. E videoclip lo ta riba e kanal di Youtube Career Music@CAREERBONAIRE. Yajro a manda e video clip pa tur plataforma di multu-media i medianan sosial i ta spera ku tur hende ta gusta su clip. E ta kontentu i ageradesido ku ACE Foundation i tambe FondsCultuur Particiaptie ta dunand’e e oportunidat pa por eksperensha i eksperimenta ku su karera artistiko. Den nos pregunta na Yajro kiko mas por spera? E’a anunsia ku su di dos kantika ta kla kaba i e videoclip tambe ta serka di kla i esei si lo ta un urban romantiko. Pues despues di Kabe’pabou spera mas di Yajro.