Henco Cecilia di Christen Unie tabata presente pa comparti di nan partido nan idiologia y discuti riba puntonan cu tin hobennan Arubiano y di islanan BES y CAS preocupa na Hulanda. Segun Henco Cecilia di partido Christen Unie e studiantenan a bin bon prepara y cu nan preguntanan tabata basta skerpi. Na mes momento ta spera cu e studiantenan nan Hulanda cu tin derecho di vota pa nan bay y haci uzo di nan derecho pa vota.
Sr. Cecilia a bisa cu for di e politiconan cu tabata presente na e “Poltitiek Cafe” por a ripara cu tur tabata tin opinion similar y tabata riba mesun liña. Esey ta importante pasobra si den futuro un di esnan presenta ta den un funcion mas halto, sigur su impacto lo ta mas grandi. Sr. Cecilia a expresa di ta kere firme den e balor di traha hunto y pa busca puntonan en comun.
Un mensahe cu sr. Cecilia tin pa tur studiante ta pa sigui inverti den bo mes.
Educacion ta importante y tin un meta bo dilanti tambe ta hopi importante pa bo bay dilanti y desaroya den bida. “Caminda cu bo ta aworaki no ta determina ken bo ta, y unda bo tincu keda tampoco. Si bo sigui crece, bo por tin balor agrega pa bo Pais, pabo mes y esnan rond dibo.”
