Recientemente por a scucha di un entrevista haci cu un studiante Arubiano na Hulanda, cu na momento di aplica pa un stage, a puntre si e tin permiso regla. Aunke cu e studiante tabata na altura di cu e no mester permiso pa motibo cu e tin nacionalidad Hulandes, e ta realisa cu tin studiante cu kisas no ta na altura di esaki. Lamentablemente e situacion aki sa presenta mas biaha na Hulanda den diferente forma. E realidad ta cu no tur hende na Hulanda, sa e posicion y derecho di personanan procedente di Caribe Hulandes cu tambe tin nacionalidad Hulandes.
Henco Cecilia di Christen Unie ta di opinion cu un manera pa Gobierno Hulandes atende cu esaki ta, pa nan enfoca mas riba educacion di Reino Hulandes, y e balor agrega di e islanan den Reino Hulandes. Si cuminsa pone mas enfasis riba esaki cerca hobennan bayendo scol, ora nan bira mas grandi nan lo ta bon na altura e rol y derechonan di paisnan den Reino. Eorey berdad lo no haya e situacion manera describi anteriormente, sr. Cecilia a termina bisando.