Na December 2020 a sali un comunicado di gobierno e tempo ey di ministerio di ex minister Andin Bikker, informando cu Aruba lo haya su Helicopter. Consehero principal di e tempo ey abogado Dello Gomes tabata e persona clave e tempo ey den negociacion cu e compania SADI.
Abogado Dello Gomes tabata e persona cu a conseha e gobierno e tempo ey, pa ta exacto di ex minister di Husticia Andin Bikker. A traha e link y asina den un aña e proceso di control a keda haci pa asina despues di un aña cera e contracto unda cu ta gana tambe su fee di negociacion banda di tabata consehero di e minister e tempo ey.
Awe e abogado Dello Gomes no ta traha cu gobierno di Aruba mas , pero ta abogado di e compania SADI na e momentonan aki y ta representanan como tal.
E lease agreement ta entre pais Aruba y ‘Sociedad Aerea de Ibague’ (SADI) y esaki ta firma door di e CEO sra. Sonia Lorena Restrepo, naci na Filipinas. Sinembargo ta cla cu tabatin un destaho publico y na esaki a participa 11 compania y na e RFI a participa 10 compania y tur e 11 companianan cu a participa na e destaho publico a keda yama.
E adviescommissie e tempo ey a evalua conforme su tarea y e criterionan obhetivo. Factornan principal cu e comision a tuma na consideracion pa recomendacionnan ta e gastonan di operacion dentro di limitacionnan presupuestario cu mester a tene cuenta cu ne mirando Aruba su situacion.
Na aña 2020 e helicopter a reemplasa e helicopter prome den uzo pa Cuerpo Policial di Aruba. Ta trata di un helicopter Bell 206L-3 cu ta un modelo similar y mas nobo cu e actual Bell 206L-1.
A reintroduci e disponibilidad di un helicopter pa Cuerpo Policial na 2019, e vigilancia for di aire a logra contribui substancialmente na e siguridad di frontera y na nos pais en general, specialmente mirando e retonan sin precedente di intentonan pa entrada ilegal for di lama cu nos pais a bin ta enfrentando debi na e situacion regional.
Mirando tur e noticianan negativo cu ta sali rond y cu ta crea un polemica y no ta trece tur e banda di medaya den publicidad, Diahuebs awo minister di Husticia Actual Rocco Tjon lo ta den parlamento pa asina informa parlamento di e caso aki y lo trece tur contracto y documento.
E negociacion di e Helicopter no tabata den man di e minister di husticia actual, pero e decisionnan cu a keda tuma e tempo aya tabata di e comision cu a keda estableci dirigi door di abogado Dello Gomes cu tabata e consehero di ex minister di husticia Andin Bikker e tempo ey y awe e mes ta abogado di e compania SADI y awe un trahado piloto hunto cu abogado Gomes a atende, ta den lus negativo cu transportacion di cocaina y asina a trece Aruba tambe den luz negativo.
Ta spera cu den parlamento por trece diferente claridad nan pa cu esaki y por bisa cu ya caba tin parlamentario nan pendiente cu a haci pregunta riba e parti aki.
