Den sala di Parlamento di Aruba a tuma luga reunion pa trata presupuesto di Raad van Advies, Ombudsman, Algemene Rekenkamer y Parlamento di Aruba. Parlamentario Rocco Tjon ta indica cu parlamentarionan tin responsabilidad grandi, mester percura pa leynan cu ta ser aproba ta bon hinca den otro , salvaguardia interes di pueblo , controla gobierno y percura pa Aruba su democracia no wordo mina. Sinembargo pa un parlamentario por haci su trabou e mester tin un organo independiente na un manera profesional. Parlamentario Tjon ta di opinion cu aki ta netamente e rol di Raad van Advies ta crucial. Raad van Advies no ta cualkier organo den nos derecho constitucional pero e ta mas bien un stabilidad, y ta mira si e ley cu ta keda proponi y duna conseho riba esaki y proteha Aruba. Raad van Advies ta wak si e ley ta solido, si e ta respeta nos constitucion y si e ta finansieramente responsabel y ta duna un conseho na final si e ley ta bon pa Aruba.
Conseho di Raad Van Advies ta percura pa Ley husto pa Aruba, salvaguardia interes di pueblo controla gobierno y percura pa Aruba su democracia no wordo mina
