KRALENDIJK, Bonaire
Duana a topa ku 850 gram di mariwana serka un pasahero femenino, durante di kontrol rutinario di pasahero i ekipahe. E dama, ku durante di kontrol di e pasaheronan ku a kaba yega ku un vuelo prosedente di Kòrsou pa Boneiro , a yama atenshon di Duana i a kontrole. Durante di e kontrol a bin topa ku diferente pakete di mariwana pega na kurpa di e sospechoso. Duana a konfiská e mariwana i a detené e sospechoso di inisial C.E.F. di 46 aña. A trasladá e droga i e sospechoso pa Kmar pa mas investigashon.