ORANJESTAD, Aruba
Ayera nochi, e systema di radar di Kustwacht a detecta un contacto sospechoso ku tawata nabega direccion di Aruba. E boto tawata unu sospechoso cu a bin for di Venezuela direccion pa e isla. Esaki tawata motibo suficiente pa e Rescue and Coordination Center di Kustwacht y e punto di sosten di Wardacosta na Aruba tuma accion. Un Metal Shark hunto cu miembronan di Kustwacht y Milisia di Aruba a bay dirrecion di e boto sospechoso. Na momento cu a intercepta y yega na e boto sospechoso a haya un boto den condicion hopi malo cu 14 indocumentado abordo. E grupo di indocumentado tawata tin bestianan di especie indigno huntu cu nan manera, 1 guy di pelea, 19 papegaai y tambe un pakete cu presunto substancia di tipo di steroid. Tur venezolano indocumenta cu a purba di drenta Aruba a wordo traspasa pa Warda Nos Costa y Cuerpo Policial di Aruba. Servicionan veterinario a tuma e bestianan indigno. Tambe Dienst Volksgezondheid tawata presente pa test e personanan indocumenta.
E uso di boto den mal condicion ta mustra un biaha mas a e tipo di riesgo cu e personanan aki ta tuma pa por yega na e islanan ABC. Kustwacht ta avisa hende pa no tuma e tipo di tripnan aki. Ta un echo cu e tipo di botonan cu ta wordo usa pa tranporta hende no ta den bon estado pa subi lama y ku e personanan ku ta nabega ku nan ta tuma un riesgo enorme.
Kustwacht ta sigui cu nan patrouilla intensivo pa guardia y vigila e awa maritimonan di Aruba, Curaçao y Bonaire. Patrouilla Kustwacht lo ricibi assistencia for di Defensa den forma di e barco station Zr. Ms. Groningen. Kustwacht tambe ta pidi ayudo di tur ciudadano cu ta detecta cualcier movecion sospechoso riba lama of na costa. Si acaso ta detecta algo por yama 913. Cu ayudo di ciudadano nos por mantene e seguridad di e lama y costa di e islanan.
