Defensa den region Karibe ta tuma akshon pa evitá brote di Covid

Defensa a konstatá kontagio bou di su mes rangonan na Kòrsou. E organisashon direktamente a tuma akshon i a pone personal ku kehonan relatá na COVID, òf ku un test positivo di PCR, den isolashon. Asina e sobrá di e personal por sigui ehersé nan tarea mas tantu ku ta posibel.

Defensa mas tantu ku ta posibel ta tuma e medidanan di RIVM den konsiderashon i den kaso di duda (of keho), koleganan ta keda poné den isolashon preventivo of karentena. Ounke ku Defensa, kaminda por, ta mantené su mes  na e medidanan di prevenshon, den e tipo di trabou komo  Militar no ta semper posibel pa kumpli ku e guia aki.

Pensa den direkshon di trabounan den espasionan krap, tal manera espasionan di makinaria, un kushina na bordo di un barku, of na momentu ku bo mester drumi huntu ku mas persona den un  tènt.

No opstante e medidanan no por eksluí un kontagio ku COVID-19.