Sr. Anthony ‘Tony’ Weber ta informá ku el a tuma nota di e karta di e ámtenarnan di entidat públiko Boneiru ku ta pertenesé na grupo 3 di e asina yamá “seniorenregeling”. Sr. Weber ke enfatisá ku e ta para firme tras di e grupo akí, i ku un di e promé tareanan ku e lo ehekutá ora ku e huramentá komo diputado, lo ta pa hiba e desishon aki bèk den Kolegio Ehekutivo pa atendé di un manera korekto ku e grupo.
Sr. Weber ta klarifiká ku na ningun momento e no a gaña den korte, ni a purba manipulá ningun situashon. Es mas, e no a ni haña oportunidat pa papia den sala di korte. Despues di e prosedimentu, Sr. Weber a aserká e grupo i indiká ku e no ta di akuerdo kon tur kos a bai i ku nan tin derechi pa bai korte di apelashon. Den kaso ku nan hasi esaki, Sr. Weber ta dispuesto pa sali na nan defensa i deklará den korte na nan fabor.
Sr. Weber ta ekspresá su desakuerdo ku e trato ku e grupo akí a haña i ta lamentá ku entidat públiko Boneiru a desviá di e plan original ku Kolegio Ehekutivo i ABVO a akor-dá. Na momentu ku nan a proponé e kambio akí, Sr. Weber a konsehá e hefe di de-partamento di Maneho i Sosten no desviá di e plan, pero e Kolegio Ehekutivo anterior i e hefe di e departamento di Maneho i Sosten a sigui ku e desviashon kontra di su kon-seho.
Ta importante pa nota ku na momentu ku grupo 3 tabata na turno, dia 1 di yüli 2024, Sr. Weber, ya pa mas ku un aña, no tabata trahando na entidat públiko Boneiru pa por a guia e grupo aki.
Djaluna 18 di ougùstùs, 11:00 di mainta, Sr. Weber lo ta presente den e programa “Brunch” di Live99 FM pa duna kuenta i rason tokante tur kos ku a sosodé den e trayekto di e “seniorenregeling”.