Nashonan Uni, New York – James Finies, representando Pueblo Progresivo Uni i Movementu Pa Kambio, huntu ku Davika Bissessar di Organisashon di Derecho Humano di Boneiru, ta na e sede di e Nashon Uní pa prepará pa e tan espera Kumbre di Futuro. E kumbre, ku ta dura dos dia, ta un evento di gran importansia ku ta trese huntu lidernan mundial i otro aktornan importante di ront mundu, i ta priminti pa bira un momèntu krusial pa kolaborashon internashonal i un reforma global.
E Kumbre di Futuro ta wordu konsiderá un eventu di un bes den un generashon, ku e meta pa logra akuerdonan inovativo ku lo trata algun di e problemanan global mas urgente. Di kambio klimátiko te desigualdat sòsial-ekonómiko, e kumbre aki ta duna un oportunidad úniku pa re-pensá I re-formula gobernashon global i promové un mundu mas sostenibel, ekitativo, i di pas.
Sekretario-General di Nashonan Uni, António Guterres, a yama e kumbre aki un “oportunidat kritiko” pa re-desenja manera paisnan ta kolaborá den kara di e retunan global ku ta evolushoná konstantemente. Durante su diskurso na e eventu di Global Call pa e kumbre, Guterres a pidi pa un solidaridat global renoba I mas fuerte, no solamente pa konfrontá e retonan di awe, sino tambe pa garantisá un futuro mas sigur pa generashonan ku ta bin. El a enfatizá e nesesidat urgente pa un sistema di gobernashon global mas fuerte ku por manehá e demandanan kompliká ku nos mundu ta topa den e siglo 21.
E presensia di delegashon di Boneiru ta subraya e kompromiso di nos organisashonan pa nos isla Boneiru pa trata asuntu di derecho humano, sostenibilidat ambiental, i gobernashon ekitativo na un nivel internashonal. Davika Bissessar, un prominente defensora di derecho humano na Boneiru, huntu ku James Finies, lo partisipá den di e diskushonnan importante ku por influensiá estrategianan global pa protekshon di derecho humano i desaroyo sostenibel den futuro pa Boneiru I pa mundu.
Mientras ku mundu ta enfrentando retonan sin presedente, ta sperá ku e Kumbre di Futuro lo fiha un rumbo nobo pa kolaborashon internashonal i pa un Nashon Uní mas revitalisá, ku ta miho prepará pa atende ku e demandanan di nos mundu ku ta kambiando rapidamente.
Pa mas informashon tokante e involvimentu di Boneiru den e Kumbre di Futuro i inisiativanan vigente, por tuma kontakto ku nos na -whattsapp :+599 786 4576 o organizationbonairehumanrights@gmail.com
