Parlamenentario Endy Croes ta felicita henter famia di Ricardo Bernardo Statie cu e gran reconosemento di un Caya dedica na nomber di Ricardo Bernardo Statie mihor conosi como Papa Ben. Diabierna ultimo den ora di atardi e nomber di Anglostraat a wordo baha y a desvela e nomber nobo di e caya esta Caya Ricardo Bernardo Statie.
Ken ta Ricardo Bernardo Statie of Papa Ben?
Papa Ben ta un ser masha keri y stima den henter su bario. Papa Ben a bini di Bonaire y Papa Ben a biba pa 60 aña den e caya aki esta Anglo Straat cual ta keda poko pabou y patras di Joe laveist Sportpark. Papa Ben semper tabata pendiente pa tur hende y tin un afinidad pa sera amistad masha liher. Papa Ben a fayese aña pasa na edad di 105 aña. E peticion pa honra Papa Ben cu un caya na su nomber a wordo entrega acompaña cu 8 firma di bisiñanan y conocirnan. A cana su caminda y a tuma su tempo unda net Papa Ben no a biba pa mira e sorpresa aki bira un realidad. Asina un jui di Papa Ben a splika momento el a hiba palabra.
Minister President y Minister Lampe a felicita henter famia:
Parlamentario Endy Croes a sigui splika cu Minister President Evelyn Wever Croes hunto cu Minister di educasion Minister Rudy Lampe ambos a hiba palabra recordando e gran personahe aki y felicitando henter famia. Despues ambos Minister den presencia di familiares dilanti di e cas di Papa Ben a bay over na desvela e nomber nobo pa dicho caya esta Caya Ricardo Bernardo Statie. Papa Ben ta un consehero y gran amigo di Betico Croes desde inicio di anja 70 alaves a keda un consehero di Nel Oduber y alaves Evelyn Wever Croes. Un palabra di gratitud y aprecio pa ambos Minister tanto promer Minister Evelyn Wever Croes y Minister Rudy Lampe kendenan a hasi e peticion aki bira un realidad compañando almismo momento familiares enpresencia na e ocasion tan especial aki. Pabien na henter famia bisinjanan amistadnan y henter e bario cu e nomber nobo Caya Ricardo Bernardo Statie.
