KRALENDIJK, Bonaire
Gobièrnu di Boneiru ta partisipá ku den kuadro di e lei di tráfiko nobo i alabes pa garantisá siguridat den tráfiko riba nos kareteranan, trabounan di pegamentu di spil di tráfiko ta tumando lugá. Durante di e siman ku a terminá empleadonan di Obra Públiko a pone spil na e krusada di Bulevar Gobernador Nicolaas Debrot ku Kaya Zephir (Playa Pabou) na altura di Harbour Village i na e krusada di Kaya Papa Cornes ku Kaya Rosaura (Antriol). Esaki gobièrnu di Boneiru pa medio di su departamento di Obra Públiko ta laga hasi pa garantisá siguridat di nos outomobilistanan na e krusadanan kaminda esaki ta nesesario. Gobièrnu di Boneiru lo sigui hasi su máksimo esfuerso pa garantisá siguridat den tráfiko pa pueblo boneriano.
