Den un maniobra sumamente preligroso diahuebs atardi, a captura e momento caminda un persona a dicidi di core den verboden den caya prinsipal. E solo hecho di core den dirección contrario ta pone tur hende den peliger, pero e biaha aki e chofer excede ora cu e la haci e maniobra aki den Caya Betico Croes, manera caya tabata di su persona.
Un atardi caluroso a trece e sorpresa cu e individuo aki, cu al parecer no a haya su verkeers diploma den 3de klas manera ta custumber na Aruba, a dicidi di viola tur regla di trafico door di pone tur hende den caya den peliger. Peatonan cu ta custumbra di wak e trafico bay ariba direccion di Djiespie’s no por imagina cu si nan no paga tino, tin chens di wordo atropella pa e imprudencia y irresponsabilidad di e chofer aki.
Peatonan no solamente, pero famianan, consistiendo di adultonan y menornan ta cana den Caya Grandi, pasobra nos ta den e temporada di ‘Back to School’. Trahadonan di e area aki y turistanan tambe por a añanan den peliger ora bo tin chofernan iresponsabel asina.
Lamentablemente no tabatin ningun autoridad presente na momento di e infraccion, cu pa suerte di e chauffeur cu rijbewijs di ‘ganja-ganja’ a sali di bon, sino elo a ricibi un boet di riba Awg. 350, cu posibilidad di confisca e auto y si tin resistencia na autoridad por hasta conduci na e chauffeur su detencion.