Den e edicion 2025 di e ‘DreigingsbeeldStatelijkeActoren’ (DBSA 2025), publica dia 14 di juli ultimo pa Servicio General di Inteligencia y Siguridad Hulandes (AIVD), Servicio Militar di Inteligencia y Siguridad (MIVD), NCTV (Coordinador Nacional pa Anti-terorismo y Siguridad) y Ministerio di Interior y Asunto di Reino, ta subraya e red compleho di riesgo cu e teritorionan di Aruba, Bonaire y Curacao ta enfrenta, particularmente den contexto di e crisis persistente na Venezuela y e evolucion di dinamica di geopolitica global.
E advertencia tocante menasanan e parti Caribense di Reino Hulandes, den rappor ta bisa cu, specificamente e islanan di Aruba, Corsou y Boneiro, ta continua siendo afecta directamente pa e situacion politico, economico y humanitario na Venezuela. “E relacion entre Hulanda y Venezuela ta keda tenso, en parti pa motibo cu Reino no a reconoce e victoria declara pa e presidente Venezolano, Nicolas Maduro den eleccion presidencial 2024,”
E rapport ta nota cu ta considera “improbable cu Venezuela tin intencion di inicia un conflicto militar cu Reino Hulandes”, sinembargo, ta nota cu “e riesgo di escalacion no intencional ta existi pa motibo di e nivel relativamente abao di profesionalismo militar Venezolano”, segun e organismonan di inteligencia Hulandes. “Esaki por manifesta den forma di migracion for di Venezuela pa e islanan, of den actividad criminal a traves di e fronteranan.”
Sin embargo, EANEWS, por a tuma nota cu un aliado di Venezuela, den e caso aki Rusia a kibra e acuerdo nuclear internacional y debi na esaki awor por move nan materialnan bélico manera bom y misilnan sin mester duna cuenta na ningun organismo di control internacional.
Debi na esaki, tin rumores insistente cu Rusia lo ekipa Venezuela cu e misilnan hypersonico yama ‘Oreshnik’ pa boost up e arsenal di guera cu Venezuela tin. Segun esnan na altura, esaki ya ta wordo discuti na Rusia y motivacion pa esaki ta cu recientemente Estados Unidos a move nan submarino nan nuclear y pone nan riba alerta pa un posibel atake riba e pais Siberiano. Informacion a cuminsa sali e siman aki, den medionan Ruso, despues algun medionan Latino y ayera tambe medionan Chines tabata raporta esaki.
Mester corda cu Venezuela actualmente tin un disputa territorial cu e pais bisiña di Guyana pa e teritorio di Esequibo cu tin un grandura di casi 2/3 parti di e teritorio Guyanes. Durante e periodo cu e dictador Hugo Chavez tabata presidi di e pais suramericano, gobierno a dicidi di cumpra armanan bélico di paisnan manera Rusia y China pa asina fortalece nan defensa y prepara pa eventual atakenan. E pais Venezuela, cu e posibel adicion di e misilnan ‘Oreshnik’, lo upgradenan arsenal di guera pa por ataca paisnan den region.
alcance, cu un rango di 2.000 pa 5.000 km, e por bula cuun velocidad di Mach 10 (12,300 km/h; 3.4 km/s) durante su decenso. Su peso ta wordo estima entre 30.000 kg y 40.000 kg, cu un diameter di 92 cm.E misil aki por carga 36 proyectil explosivo, cada un cu un energía genetico di mas of menos 400 kg di TNT debi na su velocidad hypersonico y e tin un precision estima di menos di 100 m di su obhetivo. E misil Oreshnik por bula sin wordo detecta door di radarnan convencional, haciendo e dificil pa intercepta. E peliger di e misil ta aumenta mas ainda ora mira cu e por dispersa municionan belico den un area bastante grandi.
E misil Oreshnik lo forma parti di e arsenal di e pais di joropo hunto cu otro armanan belico cu ya a wordo adkiri den tempo di dictador Hugo Chavez, e.o. Avionnan di caza furtivo Sukhoi, tankinan di guera, vehiculonan pisa pa move tropanan y systemanan di misil S-300. Loke ta hasie régimen venezolano un país peligroso, ta cu luna pasa a habri un fabrica di municion di fusil di emarca ruso Kalashnikov, esaki segun mandatarionan militar Venezolano ta parti di e cooperashon cu tin cu Rusia.
Aruba, Curaçao y Bonaire mester ta atento y alerta pa cualkier desaroyo cu por pasa na e país bisiña y por afecta nos islanan. Manera e rapport di inteligencia Hulandes ta bisa: ‘ Hulanda( y nos islanan) no ta inmediatamente den peligro’ Sin embargo nos pueblo y nos autoridadnan mester keda atento pa e situacion, pasobra nos bisiña un ora pa otro por escala e situacion cu Guyana y esaki por afecta nos islanan tambe.
https://www.defensa.com/venezuela/rusia-inaugura-fabrica-municion-para-fusiles-asalto-kalashnikov