Arubianonan ta sigui desaroya den nan function internacional cu diferente competencianan cu ta keda ofreci rond mundo. Na Marriot Hotel Jeffrey Vrolijk ta actualmente Chef di Mercat restaurant. Sinembargo Jeffrey ta gusta desaroya su mes y a inscribi su mes na “World Tapas Vallodolid in Spain 2025” cu ta organisa e evento tur aña mayoria biaha den luna di november pa e chef nan rond mundo por presenta nan TAPA y asina competi cu otro.
Segun Chef Jeffrey Vrolijk TAPA ta un cumins cu bo ta come den dos hap, pero den e mes un hap aki ta sinti diferente smaak manera salo,zuur, pikante di e cuminda cu ta haci e TAPA unico. Pa Jeffrey mes a dura 3 aña pa por a aplica y asina a cay den e parti di reserva nr 17.
Un total di 16 chef rond mundo so ta keda cualifica pa participa mundialmente. E 16 cantidatonan aki ta keda scoge den mas cu 300 chef nan rond mundo cu lo drenta e competencia mundial. Banda di e 16 nan tin tres chef di reserva si algo pasa un di e 16 nan e ora e reservanan ta drenta. Segun Jeffrey Vrolijk aña pasa e no a logra drenta , pero e aña aki si. For di algun lona atras a cuminsa traha e reseta y tambe pinda e arte desea y principalmente con kier mire pa e por keda presenta. Tambe a cuminsa experimenta sabor nan y e biaha aki lo uza pisca.
E TAPA di Jeffrey Vrolijk ta carga e nomber di “Mi Dushi Sun Coral” e nomber ta refleha e bunitesa bou di lama rond di nos isla , manera nos tur sa bou di nos lama tin hopi cosnan bunita manera diferente pisca y coral diferente color. Tambe e forma di e TAPA cu ta bay keda presenta lo ta e Sun coral cu ta n di e coralnan bunita cu tin bou lama di Aruba.
E TAPA tin diferente ingredientenan y ta uzado basta di productonan local pero tambe productonan internacional, esaki ta debi cu Ar
uba tin diferente nacionalidadnan riba e isla y tin diferente sabor. Un di e productonan local cu lo uza ta e pica di papaya, un producto cu basta turista ta puntra pe.
Despues cu e prome aña no a logra drenta e aña aki a bolbe aplica y a haya un e mail cu a splica cu e proceso a cambia aña pasa unda cu tur e personanan di full Merca, Canada y zuid America ta bay bou di e organisacion di “Tapas de las Americas” na Mexico y lo mester competi eynan prome y e tres nan cu Sali den e campeonato aki ta bay representa nan Pais automaticamente na “World Tapas Vallodolid in Spain 2025” . Cu e cambio aki Jeffrey tabatin un par di dia so pa termina tur e exigencianan cu nan ta pidi , entre otro e costo di e TAPA , un video y potret di e TAPA tambe.
Danki na un colega Francis Tromp cu ta un colega cu ta bon den e ramo di video tambe a duna un man pa asina traha un bon video pa por keda respera den exterior. Tambe e tres chef nan di Marriott Hotel cu tambe a yuda y sigur Hotel Marriott mes cu a permiti pa por haci uzo di e cushina pa por train y pa asina por prepara tur e exigencianan cu e competencia ta exigi. Segun Jeffrey Vrolijk na momento cu a manda tur cos Mexico via di un e mail despues di dos dia a haya un bunita contesta cu a haya e oportunidad pa bay competi na Mexico. Mas di 200 participante a participa y a selecta 14 ganador y den e 14 nan aki Jeffrey Vrolijk ta un di nan cu representa Aruba.
E competencia lo tuma luga diadomingo awo y Jeffrey Vrolijk ta focus completo pa e competencia aki y tin fe cu lo e haci un bon trabou representando su Pais. Sinembargo e logro aki e no por a hacie su so , Jeffrey ta consciente cu tin un team di cushina cu ta para su tras pa asina Jeffrey por purba pa logre a exito maximo na Mexico. Tambe ta gradici su famia pa e sosten y e apoyo, principalmente su casa pa kere den dje y dune e sosten necesario. Den e competencia aki Jeffrey Vrolijk lo representa su Pais Aruba, s
Resort & Stellaris y tambe su propio nomber , Jeffrey Vrolijk.
Banda di tur cos Jeffrey Vrolijk ta contento y ta hopi mas contento cu e sosten cu Marriott a duna su persona cu awe e por a yega na presentacion di su propio TAPA.