LocalFeatured

E derechonan di pashent

Jayburtt J. Dijkhoff Phd 1

Biblioteca Nacional Aruba ta invita publico pa e charla ‘E derechonan di pashent’. Esaki ta tuma lugar ta tuma lugar dialuna dia 3 di april di 5 or y mey pa 7or. Orador ta sr. Jayburtt J. Dijkhoff. Un y tur ta bon bini. Porta ta habri 17:15 PM.

Abo sa kico ta bo derechonan como pashent? Mayoria persona no sa y hopi biaha e dunadonan di cuido tampoco no a wordo informa kico tur e derechonan aki ta encera. Esaki ta hiba na un situacion peligroso. Pa e pashent, pasobra si e no sa, ta mescos cu e no tin derecho. Pa e dunado di cuido, pasobra asina e no sa kico tur e mester cumpli cu ne. E situacion aki no por keda asina.

Pa yuda pashentnan y e dunadonan di cuido, Sr. Jayburtt J. Dijkhoff, PhD, a skirbi e prome buki den Reino Hulandes riba e topico hopi importante aki. E buki ta skirbi specialmente pa e pueblo di Aruba. Ela wordo skirbi den un Papiamento cu ta facil pa compronde, cu hopi ehempel basa riba casonan di bida real. E ta e unico buki cu ta splica e derechonan general, y hopi derecho specifico cu bo no ta haya ningun otro caminda.

E charla lo duna un bista general riba algun di e derechonan y lo subraya e hermentnan cu tur pashent mester sa, hopi prome cu e tin mester di cuido di salud. E charla aki lo toca e retonan di awendia pa tur pashent y pa e sector di salud,  y e caminda cu nos mester tuma pa mehoracion. No solamente pa e derechonan di pashent, pero tambe pa e posicion di pashent y e calidad di cuido pa tur hende. E charla y e buki ambos ta finalisa cu e yamada pa join e movimiento pa logra e cambio aki pa medio di synergia y derechonan colectivo, cual ta un concepto unico den nos Reino.

Pashentnan, dunadonan di cuido y tur persona cu ta interesa den e derechonan di pashent ta bon bini pa atende e charla aki. E lenguahe di e presentacion lo ta na Papiamento.

Orador

JAYBURTT J. DIJKHOFF, PhD, ta autor y doctor den ley den e ramo di derecho di salud publico. E ta e experto riba e tereno di derecho riba calidad di cuido di salud na Aruba. Di hoben el a destaca den su trabou y a logra den apenas un decada pa traha den diferente funcion, manera hurista, inspector, consehero legal administrativo, y cabesante na Departamento di Salud Publico di Aruba. E ta fungi como mayordomo den e proyecto di lanta e departamento nobo “Instituto di Calidad cuido den salud” (Kwaliteitsinstituut gezondheidszorg). Actualmente e ta Presidente tambe di Fundacion SIKI (Stichting Instituut voor Kennis en Innovatie), caminda den su tempo liber e ta duna diferente curso y charla gratis pa adulto mayor y tambe seminario pa e comunidad di Aruba. Ademas e tin su programa semanal na TeleAruba titula Calidad di Cuido. 

E Derechonan Di Pashent

Related posts

Diferente caso den corte awe mainta 26 aug 2021

EA News Author

Minister Xiomara Maduro tabata den Encuentro Publico na Parlamento pa informa riba cifra di segundo kwartaal di aña 2020

EA News Author

Parlamentario Mervin Wyatt Ras (AVP): Sindicatonan ta keto

EA News Author

Leave a Comment

Whatsapp Message