E siman di 20 di mart te ku 26 di mart, Terramar Museum a organisá e di dos edishon di ‘Global Money Week’ (GMW). GMW ta un kampaña pa konsientisá hubentud riba e topiko di finansa.
Plania bo sen, planta bo futuro tabata e tema di e aña aki. GMW ta un kampaña anual kaminda ta trese e importansia di sen dilanti pa informa i nos hobenan, na un edat yòn, pa ta finansieramente konsiente i ku gradualmente ta gana e konosimentu, abilidat i aktitut pa hasi desishonnan finansiero korekto i a lo largo por yega na bienestar i resistensia finansiero.
E aña aki huntu ku e sosten di Franklin Seute (Living Rich as a Student), Junior Chamber International Dutch Caribbean, Kamer van Koophandel en Nijverheid Bonaire, Maduro & Curiel’s Bank (Bonaire) N.V. , Stichting Microfinanciering Qredits Nederland i Water en Energiebedrijf N.V. Bonaire a krea un siman yen di aktividat!
Diferente seshon di informashon, kompetensia di pintamentu tur ku e tema di manehá sèn miho. A duna na skol i otro lokashonnan diferente seshon informativo ku topikonan komo: Presupuesto Personal, Obtené bo propio Kas, Bira Empresario, Biba un bida Ekonómiko i Abilidatnan di Negosha a yega na 105 hoben i studiante.
Terramar Museum ta gradisí tur ku a partisipá i nos ta pendiente pa e sigiente edishon di Global Money Week.
Pa mas informashon por kontaktá nos na terramarmuseum@gmail.com òf manda un whatsapp na +599 701 4700.
Terramar Museum ta habri di djaluna pa djasabra di 9or mainta pa 2 or di atardi.