Pa loke trata e islanan den Caribe , pero specificamente Aruba si mester tuma nota di e bukinan cu e misioneronan ta hinca den otro Aruba ta aparece cu 92% di ta Cristian. Esaki kiermen cu famia comun y coriente ta lanta nan yiunan den matrimonio y ta lanta e yiunan cu norma y balornan cristian.
Pastoor Frank Daal di di Good Samaritan Christian Center ta duna di conoce cu lanta un yiu cristian ta completamente otro na momento cu e persona ta lanta den un otro tipo di comunidad y religion manera musulman, budista ect ect. Den e areanan aki e norma y balornan ta totalmente diferente.
Segun Pastor Frank Daal aunke cu un persona no ta bay iglesia tur dia e tarea di e mayornan na cas pa lanta nan yiu nan como cristian ta cuminsa na e fundeshi di un matrimonio pa forma un famia y DIOS su diseño pa famia ta pa prokea descendencia devoto. DIOS kier pa e pareha ey siña su yiunan y nan yiunan di generacion pa generacion, pero lamentablemente e parti aki a bay completamente perdi.
Na momento cu mester yega na e definicion di hende homber y hende muhe ken nan ta y esunnan cu ta fuera di e diseño aki cu DIOS a crea lo ta bay tin problema y nunca lo e bay funciona bon. Segun pastoor Frank Daal un hende homber tin e capacidad pa stima mane hesucristo ta stima su iglesia, e homber tin den dje hinca door di DIOS, si e ta kere den DIOS si of no, e gracia comun unda cu e tin un necesidad fuerte pa traha y provee, capacidad pa sacrifica pa su famia.
E hende homber ta esun cu ta representa DIOS dilanti di e famia. Spiritualmente, mentalmente biologicamente, emocionalmente, logicamente y fisicamente DIOS a prepara e hende homber pa ta un homber, esaki ta significa cu su identidad y su funcion ta completamente homber.
Na momento cu ta papia di hende muhe DIOS a duna e hende muhe e capacidad pa stima, pero e parti aki ta natural di e hende muhe. Sinembargo DIOS a pone den e hende muhe capacidad pa honra y respeta su casa, specialmente den e parti pa yuda e casa, pero no ta trata di yuda pa laba tayo of drecha su pañanan, pero e ta bay hopi hopi mas profundo.
E homber ta guia cu su logica y e hende muhe ta guia cu su curason y na momento cu hinca e dosnan aki den otro y bini hunto e homber ta laga su mama y su tata y e ta bay na su casa y nan dos ta bira uno. Na momento cu esaki pasa tin un paz den e unidad aki unda cu emocional, mental y fisico e unidadnan aki den tur sentido DIOS a diseña nan dos pa klop cu otro.
Segun pastoor Frank Daal tur otro forma di bini hunto porehempel di mes un sexo cu tin un discusion na e momentonan aki den parlamento sea legalisa e ley of no si e echo no ta conforme DIOS su boluntad, palabra y of diseño e no lo cumpli cu e pakico DIOS a diseña e hende homber y hende muhe.
Esunnan di LGBT nan no lo por bay multiplica,goberna,domina,cuida medio ambiente, produci of reproduci creacion di DIOS. Por bisa practicamente si nan no lanta for di e soño cu nan ta y realisa loke nan ta haci cu nan mes nan no tin e bendicion di DIOS di loke nan mes ta yama Amor.