Bonaire

E promé business incubator na Boneiru ‘BUSINESSPARK’ a habri su portanan

Bi 0 Dip. Thielman Korta Sinta Yuni 2022

Djaluna 13 yüni, durante e evento di apertura diputado Hennyson Thielman a anunsiá ofisialmente ku BusinesSpark a habri su portanan. BusinesSpark ta Boneiru su promé business incubator situá den playa, riba kaya Gilberto Croes 1 nèt dilanti di Nature Discount.

Durante e evento di apertura invitadonan por a haña un bista paden di kon e edifisio a keda despues di e renovashon ku a tuma lugá. E edifisio di BusinesSpark a keda renová den korto tempu dor di e propietario. E edifisio a keda transformá pa un kantor moderno i inspirativo den record time.

Den aprel último a anunsiá BusinesSpark i a habri mesora oportunidat di aplikashon. Durante e periodo diferente empresario a apliká, di kual 6 empresario a logra pasa e selekshon final. Ainda tin mas aplikashon drentando i por spera pronto mas sparkers (empresario) hasiendo uso di e fasilidat.

“Nos ta sumamente kontentu ku e apertura di BusinesSpark. Esaki ta un vishon ku a keda fiha fo’i kuminsamentu den nos plan di gobernashon i ku a keda kristalisá ku éksito. Boneiru por ta kontentu di tin su promé business incubator. E idea ta pa krea mas di fasilidatnan aki pa empresarionan tin mas akseso na espasionan ku ta chispa nan kreatividat. Gobièrnu di Boneiru ta hasi esaki pa fasilitá e empresarionan lokal pa nan por tin un negoshi eksitoso” segun diputado di desaroyo ekonómiko Hennyson Thielman.

BusinesSpark ta un sitio finansiá pa Gobièrnu di Boneiru kaminda empresarionan por haña espasio pa ofisina ku internèt i otro fasilidatnan. BusinesSpark ta e sitio ideal di trabou i enkuentro pa empresarionan pa siña di otro i inspirá otro. E ta un sitio tambe pa bou di guia profeshonal krea, manehá òf sigui desaroyá un empresa eksitoso

Pa mas informashon tokante BusinesSpark por tuma kontakto via meil na empresa@bonairegov.com.

 


Sigui nos riba facebook na Businesspark Bonaire.

Related posts

Kolegio ehekutivo ku bishita di trabou amplio na Hulanda

EA News Author

Presentashon interesante di documentario di Buriku di Boneiru

EA News Author

For di 14 di sèptèmber 2022 pidi ún biaha kompensashon di 1.300 dòler pa koriente

EA News Author

Leave a Comment

Whatsapp Message