Resientemente Tourism Corporation Bonaire (TCB) a yama bon biní na ENNIA komo partner ofisial di e programa di Bario Festival di TCB. Komo parti di e Plan Maestro Stratégiko pa Turismo i e Plan di Rekuperashon di Turismo, un di e metanan mas importante ta pa engrandesé e bentahanan di turismo i pa krea oportunidat pa nos komunidat por partisipá den turismo. Pa e motibu akí TCB a introdusí un seri di Bario Festival ku ta tuma lugá den e diferente barionan di Boneiru. Vishon di TCB ta pa koperá, inspirá i ofresé nos bishitantenan e posibilidat pa bin den kontakto ku nos kultura, nos kumindanan i nos manera di biba lokal pa medio di yama nan bon biní den nos barionan.
ENNIA ta rekonosé forsa di e programa di Bario Festival i ta sostené esaki komo partner ofisial. ENNIA ta kere den e strategia di TCB ku enfoke riba komunidat ku lo promové koperashon, enbolbimentu sosial i kresementu duradero pa nos dushi Boneiru. Huntu ku e komishonnan organisadó di e diferente barionan nos lo haña e formanan pa mehorá kalidat di bida di nos komunidat i laga un mihó bario atras. Huntu nos por krea mas oportunidat i logra mas!
E siguiente Bario Festival ta tuma lugá dia 30 di yüli na Tera Kòrá.
Nos gradisimentu ta bai pa tur partner ku a kolaborá ku e programanan di Bario Festival, spesialmente e organisashon di Wedoe, MCB, Selibon i TUI.