Art Culture and Education Foundation (ACE) a lansa e cancion “Fiesta, Ban Celebra”. Esaki ta den cuadro di celebracion di e di 5 edicion di Siman di Musica pa Mucha. Un total di 12 mucha di Little Stars, e organisacion tras di e Festival Canto pa Mucha, a forma parti di e grabacion aki.
E apertura oficial lo tuma luga dia 12 di april na Wilhelminaplein. Por scucha e cancion na radionan local y tambe riba Kiddie Beats Radio. Pa yega na Kiddie Beats Radio, por download e app ZenoFM y busca Kiddie Beats Radio.
Siman di Musica pa Mucha ta un iniciativa anual pa stimula musica cerca mucha. Pa e edicion aki, ACE a traha hunto cu Little Stars. Tur participante a haya entrenamento y a graba nan propio composicion. Danki na sosten di diferente partnernan local por a realisa e proyecto aki.
Durante e siman lo tin taller (workshops) na scolnan y actividad pa publico na SKAL y Jong Bonaire. Tambe lo tin actividad pa famia na cas. Pronto lo publica e programa completo via e rednan social di ACE.
Si tin cualkier ciudadano of instancia cu kier aporta of organisa algo durante e siman sea na cas, centro di bario, of un otro localidad por tuma contacto cu ACE Foundation na +599-790-0155. Di e manera aki por incorpora e actividad den e siman oficial.