Diferente observadornan politico y analistanan den Aruba ta critica fuerte fraccion di Arubaanse Volkspartij (AVP)y Futuro den Parlamento di Aruba, indicando cu nan manera di maneha e propuesto Rijkswet HOFA por tin consecuencianan negativo pa futuro di pais y nan propio trabou como voz di pueblo. E fraccion di AVP-FUTURO ta mustra un “debilidad” politico cu ta limita e capacidad di Parlamento pa eherce su autoridad y defende interes di Pueblo di Aruba, pero di nan mes como parlamentario tambe.
Falta di decision y dependencia
Analistanan a señala cu parlamentario di e fraccion nan ta sigui un postura cu, ta “drumi den luz berde,” sin realmente defende e pueblo di Aruba. Segun e criticanan, nan ta enfoca mas riba proteha nan futuro personal como parlamentario pa un rato riba e stoel sinta cu na bienestar y progreso di Pais Aruba.
Segun e analisis, e actitud aki ta refleha un concepto di inmadures politiko den e generacion nobo di parlamentario, unda materialismo y interes personal ta prevalece riba obligacion publico y decisionnan cu por impacta e pais na largo plaso.
Consecuencianan riba autonomia
Ta parce cu Fraccion di AVP-FUTURO no ta no conciente cu nan forsa como parlamentario lo wordo limita den e proceso riba Rijkswet HOFA. E ley a pasa pa Raad van State y lo warda riba e conseho posteriormente lo bay Tweede Kamer (Hulanda) y nan lo mande Aruba, Parlamentario di Aruba no lo tin posibilidad di debati of vota real riba e ley. Nan rol ta limita nan lo mester pone pregunta y punto di bista riba papel, cu ta un limitacion serio riba soberania autonomia y poder di parlamento di Aruba. Esaki ta loke e fraccion di AVP-y FUTURO a crea y para pe pa nan mes perde nan poder como parlamentario y laga e pueblo di Aruba perde su Voz.
Berguensa político y responsabilidad
E situashon ta genera un sentimento di berguensa politico segun observadornan, pasobra e fraccion di AVP-FUTURO no ta refleha responsabilidad ni liderazgo cu e pueblo mester spera di un generacion nobo di politiconan. E critica a enfatisa cu e manera di maneha e ley ta demostra cu e fraccion ta mas interesa den interes personal keda sinta riba e stoel dushi y cobra, ku na interes nacional.
Segun e analisis, e situacion aki ta un advertencia pa Aruba riba e riesgo cu e pais por enfrenta si Parlamentario ta pone interes personal riba e interes publico. E fraccion di AVP-FUTURO ta considera como un factor di debilidad politico y e peor fraccionnan parlamentario cu Aruba a conoce den su historia politico na Aruba.