Fraccion parlamentario di MEP a entrega oficialmente e relato final di su iniciativa di ley cu tin como meta fortalece siguridad den trafico na nos pais.
Segun parlamentario Edgard Vrolijk, e propuesta di ley ta completamente cla pa wordo trata den Parlamento. Actualmente, e ley ta pendiente di Presidente di Parlamento pa wordo poni riba agenda y convoca e reunion corespondiente.
Presidente di Parlamento, Marlon Sneek, anteriormente a indica cu lo yama un reunion cu caracter di urgencia pa trata e tema. Sin embargo, te cu awor e reunion no a wordo convoca ainda.
Edgard Vrolijk ta sigui insistiendo riba e importancia di trata e propuesta cu urgencia, señalando cu siguridad den trafico ta un asunto prioritario cu mester atencion inmediato.