Simon Waslander ta president di fundacion CONPA y Aaron Bislip Tesorero di fundacion CONPA , hunto nan a cana e caminda pa proteha nos medio ambiente y tambe proteha e Area di Burumbundo. Ayera den oranan di atardi CONPA a haci entrega di zienswijze official na DIP
President di fundacion CONPA, Simon Waslander, a lansa critica fuerte contra e maneho rond di e plan di verkaveling na Pos Chiquito. Den un declaracion oficial, el a señala cu e proceso ta carga cu tanto preocupacion y iregularidad cu e no ta cumpli cu e normanan legal y administrativo necesario. Ta kibra e ley di RLO,ROPV y e algemene beginselen van behoorlijk bestuur (ABB) cu ta e normanan un-scrito y skirbi cu autoridadnan gubernamental mester tene na cuenta ora nan ta tuma decision y ehecuta nan trabou. E meta di e principionan aki ta pa proteha e ciudadano contra abuso di poder y garantisa cu gobierno ta actua husto, transparente y cu coherencia.
Falta di transparencia y documento incompleto
Un di e puntonan mas alarmante cu Waslander a trece padilanti ta e estado di e documentacion oficial cu a wordo poni inzage. Segun su analisis, e documentonan entrega ta carece completamente di:
• Jung aanleiding (motibacion inicial)
• Motiveringsprincipe (principionan di motivacion)
• E mapanan ta sin autor, por bisa cu un proyecto cu ta wordo entrega na DIP cu su titulo spirito , sin autor
E falta aki ta pone cu henter e proceso ta keda sin base administrativo husto, locual ta habri porta pa duda serio riba e legitimidad di e maneho.
For di un punto di bista tecnico y geologico, e presidente di CONPA ta remarca cu e tereno na Pos Chiquito no ta duna pa carga e proyecto aki. E haltura nan, e coralnan, e gulido y e full structura di e zona ta haci e sitio totalmente incapaz pa desaroyo di e magnitud aki.
Ta lamenta cu gobienro ta tribi di manda un plan di solamente 5 pagina di un verkaveling di e tamaño unda cu kier trata 762 apartamento. 242 vivienda y no ta traha un plan drechi na un nivel di un plan di mas di 5 pagina ta bisa hopi di e plan y e deseo di e proyecto aki.
Consecuencia economico, social y di trafico tambe ta hunga un rol den e proyecto aki unda cu no a haci investigacion riba nada.
Trafico y Congestion: E desaroyo aki lo causa problema grave den trafico, loke lo afecta e economia y e sector turistico. Verbalmenta a informa fundacion CONPA cu departamento di planologie cu mester duna aprobacion na tipo di proyectonan asina grandi via DIP nan no a wordo poni na altura.
Di henter e plan aki e naturalesa ta un punto, problema economico, problemanan huridico ta un otro punto, pero na momento cu ta papia cu Seguridad y Notesdiensten no ta wordo poni na altura, practicamente e plan di 5 pagina sin autor , practicamente doño spirito no ta prepara pa garantisa e seguridad y notesdiensten manera ambulance , polis, brandweer ext ext riba e nivel ey.
Fundacion CONPA ta keda informa comunidad den su posicion cu e tipo di decisionnan aki ta exigi un analisis mas profundo, transparente y responsabilidad pa proteha futuro di Aruba su medio ambiente y infrastructura pa nos mes y e futuro generacionnan.
