Gana premio di 1000 florin participando den Seso Sport di Club Universal

Club Universal ta organisa un evento di Sesosport cuminsando dia 4 di maart awo y cual lo tin un premio di 1000 florin pa e ganado absoluto.

Den aña 2022 diferente evento di Seso Sport a tuma luga den club di SV Universal na Pos Chiquito. E demanda pa e evento aki a sigui crece. Awo ta bay tin e prome competencia grandi cu ta consisti di diferente ronde.

E evento ta consisti di 4 ronde unda cada biaha ta saca dos grupo cu ta bay pa e gran final cu lo tuma luga riba prome di april. E rondanan clasificatorio lo tuma luga riba 4, 11, 18 y 25 di maart.

Cada grupo por consisti di maximalmente 5 persona y inscripcion ta costa 100 florin. Si bo ta sinti bo mes cla pa enfrenta e reto aki, forma bo grupo y inscribi pa participa na tel 5601969.

Tur e eventonan di clasificacion ta tuma luga riba diasabra di 7’or pa 10’or di anochi. Registra pa bo no keda afo y corda prepara bo team di apoyo.