Awe durante oranan di mainta e dos formadornan Mike Eman y Gerlien Croes ta na Gobernador pa 11 or di mainta y na salida e formador nr 2 cu ta Gerlien Croes a sali pafo y ta indica cu e reunion cu Gobernador ta un reunion planifica y esaki ta un di e prome reunionnan cu tin cu gobernador despues di a bira formadornan. E intencion di e reunion ta cu lo mester duna gobernador un bista di e desaroyonan andando den e ultimo luna. Segun Gerlien Croes a indica na Gobernador cu e proceso ta hiba su tempo. E proceso ta tuma su tempo ta informacion cu a bin ta bisa ultimo temponan aki caba na varios ocasion , esaki no ta nada nobo di un adelanto den negociacion.
Na mes momento Gerlien Croes ta indica cu pueblo ta sperando pa laga sa kico ta e siguiente pa locual cu ta e maneho di gobernacion di Pais Aruba. Segun Gerlien Croes cu mester tene cuenta cu despues cu a pasa un ley pa locual ta e screening y e proceso di formacion di gobierno a tuma su tempo y ta tumando su tempo tambe den e sigiente procesonan cu ta encamina.
Lider nr 1 di FUTURO ta indica cu loke cu ta mas importante pa comparti ta cu e partidonan a yega na un base di acuerdo unda cu e puntonan di salida cu a yega na dje ta suficiente cu por bisa cu tin posibilidad pa ta un coalicion.
Segun Gerlien Croes e realidad ta cu ta hiba diferente dialogo cu ta negociacion y discusion di kico ta e dominionan mas importante y con lo kier bay reparti esaki y e cantidad di personanan lo mester maneha e pais den e siguiente gabinete.
Na mes momento a acorda cu e siguiente gabinete tin 7 minister y awo a cuminsa na e proceso pa cu particion di cartera y ta kere cu den e siguiente reunion lo por comparti esakinan. Segun Gerlien Croes e base di e reunion cu gobernador ta pa mustra e base di confiansa cu cada partido tin y cu tin un base pa traha cu otro.
Gerlien Croes na salida ta duna di conoce cu a yega na otro , pero no ta indica con y kico a yega na otro , solamente cu a yega na acuerdo di 7 minister cu tampoco no sa ken ta haya cua cartera. E speach di reina ta indica cu cosnan ta basta preta, e matrimonio entre AVP y FUTURO den loke ta vocifera ta mustra loke ta ser bisa no ta cuadra cu e realidad.
Na mes momento den varios zin di Gerlien Croes ta mustra su preocupacion riba e screening cu mester tuma luga kisas Gerlien Croes no lo por pasa e screening mirando hopi factor y puntonan rond di su persona?