E kolaborashon entre Entidat Públiko Boneiru i e ministerio di Salubridat Públiko, Bienestar i Deporte (Volksgezondheid, Welzijn en Sport – VWS) durante e último dos añanan tabata sumamente intensivo pa motibu di e pandemia di corona. Pa gezaghèber Edison Rijna esaki tabata un motibu pa durante su bishita di trabou na Den Haag tene un enkuentro ku sekretario di estado Maarten van Ooijen tambe.
Naturalmente a para ampliamente ketu na e yudansa ku e ministerio i tambe RIVM, e Instituto di Reino pa Salubridat Públiko i Medio Ambiente, a ofresé pa tene kuido di salú na Boneiru na nivel dirante algun brote grandi. Gezaghèber Rijna a bisa ku e ta hopi agradesido pa tur sosten. Nan a papia tambe tokante kuido en general i stimulashon di un estilo di bida salú.