tocante un derame di diesel cu a involucra un barco den awanan di Statia. Un cantidad calcula di entre 20 pa 30 liter di diesel a drenta den mar.
E ekipo di maneho di crisis di Gobierno, incluyendo e Gobernador di Isla interino, a keda notifica mesora. Rijkswaterstaat (RWS) y personal maritimo na GTI tambe a keda informa.
E medidanan di ecutamento a cuminza poco despues cu a descubri e derame. Basa riba e cantidad calcula cu a keda solta y e tipo di combustibel involucra, ta spera cu e diesel lo evapora y disipa naturalmente cu tempo. Pa e razon aki, no a considera necesario pa uza barera di contencion (containment booms). Remolcadornan a uza e coriente di nan propulsor (propeller wash) pa yuda kibra y disipa e diesel riba e superficie.
Observacionnan inicial a mustra cu e derame tabata moviendo direccion west. Basa riba e informacion di e momento aki, no ta spera ningun impacto riba e costa di Statia.
E derame ta keda bou di observacion, mientras ta monitoria cambionan den coriente di mar, tempo y e condicionnan di lama. Un inspeccion di e barco tambe ta en ejecucion pa determina e causa di e derame.
Gobierno di Statia ta mantene contacto cu tur e socionan involucra den e ecutamento. E monitoreo lo continua, y lo comparti mas informacion si tin un cambio significativo den e situacion.
