Featured Local Aruba Turismo

Habitantenan mes a duna di nan parti pa drecha pier di Rodgers Beach


Awendia unda nos ta bay cu e pensamento di solamente placa por drecha tur cos?

Habitantenan di San Nicolas, riba nan propio forza y sodo, a drecha e parti di e pier na Rodgers Beach cu pa mas cu un anja ta den un estado peligroso. Na varios ocacion a  pone e situacion  na conocimento di Minister Dangui Oduber.

Sinembargo, Parke Marino a manda varios carta na Minister Dangui Oduber unda cu ta pidi e mandatario pa sinta na mesa pa defeni con lo sigui drecha e piernan na Rodgers Beach.  Pero no a haya reaccion ni con ta sigui cu e piernan, ni con lo drecha loke ta na e subida di pier na Rodgers Beach.

Por fin, recientemente Minister Dangui Oduber a reuni riba e asunto cu Parke Marino , pero te cu Diabierna ultimo no tabatin claridad con lo drecha loke mester a drecha. Pues no a keda nada otro pa e habitante nan di San Nicolas mes pone e subida di e pier den un estado cu no ta peligroso pa esnan cu ta haci uzo di esaki.

 

SNBA cu su partners nan di “United for San Nicolas” a bin hunto pa di dos weekend pa tira man pa drecha e entrada di e pier di e old yacht club na Rodgers beach cu tabata sumamente peligroso pa esnan cu ta frequenta esaki. Loke tabata imprecionante ta cu casi tur hende cu tbt na e beach homber y muhe e momento ey mesora a bin duna un man, cu a hasi e trabou mas facil y nos a caba esaki den tempo record. tin entendi cu esaki tin e attencion di e minister concerni y  directora di ATA tambe lo duna un man den esaki.

Banda di e bondad di e ciudadanonan pa mira nan pais y e parti cu nan ta usa casi tur fin di siman y na unda turistanan tambe ta freguenta. Sinembargo pa nan sorpresa Parke Marino por a compronde cu  a pone un paro na e trabaonan na e piernan , pasobra a laga drecha e piernan sin cu a consulta cu Parke Marino.

Potret : Hilario Donker y SNBA

Related posts

Aruba Bank ta asisti cliente cu alivio di pago di interes solamente pa e siguiente 3 luna

EA News Author

Innovacion y Comunidad e tema di parti tres di “Restart Conversations” presenta pa CAREER IQ

EA News Author

Aruba Timeshare Association ta un partner hopi importante pa Aruba su Turismo

EA News Author

Leave a Comment