Hues Comisario ta haya cu fiscal ta trahando activo riba caso Flamingo y a rechasa peticion di Otmar Oduber

Dialuna mainta Hues Comisario a scucha un petición di Otmar Oduber y atardi ya caba tabatin un decisión.
Otmar Oduber a pidi Hues Comisario pone un periodo den cual Fiscal mester tuma un decisión su ta hiba caso Flamingo Corte of ta seponeer e caso, manera cu a bin ta haci cu diferente caso últimamente.
Dialuna atardi a informa Otmar Oduber cu lamentablemente a nenga su petición. Esaki pasobra aunke cu e strafdossier ta cla, fiscal ainda mester di tempo pa studia esaki bon. Y después cu e studia esaki bon, e ora e mester di tempo ainda pa traha un citación cu ta cuadra cu tur exigencianan di ley.
Pa yega na e punto ariba menciona suficiente tempo pa haci e trabou aki ta necesario. Y Jues Comisario a bisa cu un decisión mucho pura por trece consecuencianan grave.
Un di e asuntonan cu el a menciona tambe ta cu na e islanan di Karibe, ta cambia fiscalnan den forma regular, ora cu nan contracto caba. E ta un situacion cu ta existi di semper. A tira e caso aki den scoochi di un fiscal nobo cu prome cu esey no tabatin ningún conocemento di caso Flamingo.
Tambe a menciona cu no a proba cu e fiscal no ta haciendo nada cu caso Flamingo, cual lo por tabata motibo pa pone un termino pa obliga OM move y traha.
Esaki ta nifica cu e fiscal tin su tempo pa sigui studia e caso aunke cu e strafdossier ta cla for di januari y no a logra yega na un decisión ainda si ta hiba Otmar Oduber Corte.