Hues ta libera dos agente policial di tur acusacion penal y tur dos partido a tuma “afstand”

Ayera den oranan di atardi a tuma luga un caso hopi interesante. Ta trata aki  tratamento di e caso contra e agentenan policial S.S. y B., acusa di a los tiro y causa morto di un persona durante un asistencia di violencia domestico na aña 2020 dia 28 di september pa ta exacto, na momento cu e polis a bay e melding diferente scenarionan a tuma luga y na unda cu hasta e persona agresivo a kibra un boter pa asina bay ataca e polisnan.

Na e momento ey e polisnan a haya nan mes den un situacion cu nan mester a defende nan mes y nan a tira e persona y consecuencia cu e la fayece. Segun persofficier Patrick van der Biezen e caso aki na prome instante Ministerio Publico a seponeer e caso debi cu a tuma un decision despues cu landsrecherche a haci un investigacion a tuma e decision pa seponeer e caso unda cu no lo persigui e polisnan aki debi cu no ta mira cu un echo castigabel a tuma luga.

E famia a haci uzo di e derecho cu nan tin pa haci un keho na HOF abase di articulo 15 di strafvordering y esey a tuma luga unda cu HOF a dicidi despues cu nan a haci algun investigacion nan mes pa bisa ministerio publico cu nan ta obliga, mirando e situacion y e circunstancia aki  pa hiba e caso dilanti di hues, pa asina hues mes por tuma decision si e ta haya cu e echo ta castigabel y of cu e personanan ta castigabel si of no.

Segun persofficier Patrick van der Biezen e defensa tambe a trece padilanti na hues cu e echo ta castigabel y esey por wordo prueba unda cu e polisnan a tira e persona mata, pero tin un hustificacion pa esey, e hustificacion ta trece cu ne cu e echo no ta castigabel.

E polisnan den e caso aki mester wordo libera den tur persecucion, den corte hues a tuma un momento pa pensa riba e caso un rato y na momento cu a keda cla a bin dilanti y tuma decision di biaha y a duna di conoce cu e ta libera e dos polisnan di tur acusacion penal.

E decision aki kiermen cu practicamente e consecuencia ta mes un cos cu un vrijspraak por bisa, pero e consecuencia ta cu e dos polisnan no ta wordo castiga y ta keda poni den libertad dus no lo keda persigui mas.

Mirando cu ministerio publico ta di opinion cu e echo no ta castigabel y defensa tambe ta di opinion di esey y tur dos partido a tuma “afstand” y esey kiermen cu no tin e posibilidad mas pa apela. Esaki ta pone cu no por yama e caso aki mas.

Abogado Vito Carlo tambe a duna un declaracion y ta splica cu e polisnan como sospechoso no ta castigabel, ta e resultado cu tabata desea. Sinembargo ainda con hues a yega na e decision , Abogado Vito Carlo no ta di acuerdo cu ne debi cu e trabao cu e polisnan  a haci no ta uno castigabel  (strafbaarheid)