Jonella Oduber a tuma e iniciativa pa introduci un buki cu e paisahenan di Aruba debi cu e la keda sorpresa cu no por haya un buki di pinta pa nos muchanan por conoce nos cultura y nos paisahenan na Aruba. Jonella Oduber a bay cumpra un buki di pinta pa mucha di Aruba y no por a haya esaki ariba mercado. Pues e no a pensa dos biaha y a percura pa traha esaki.
E buki ta un buki di pinta dedica na nos muchanan. E tin diferente paisahenan rond di nos isla y t’e asta tin un mapa di Aruba aden cu ta ilustra cada localidad di e paisahenan. Tambe e ta inclui un ‘Sopi di letter’ na Papiamento.
E meta di e buki aki ta:Pa e mucha conoce paisahenan ariba nos isla y e localidadnan,Stimula pintamento(arte) cerca muchanan pero tambe e motorico fini y coordinacion di man y wowo,Siña e mucha ingles/papiamento,Stimula union entre mayor y yiu (nan lo sinta hunto y papia di e paisahenan aki y nificacion di palabra)E buki di pinta ta obtenibel na boekstorenan. Importante ta cu e mucha por siña , pero tambe educa su mes y conoce su pais mas miho. Hopi biaha nos ta busca bukinan di pinta pero ta haya solamente esnan di barbie, bestia cu no ta di nos, pero sinembargo e biaha aki Jonella Oduber a dicidi di trece algo fructifero pa nos muchanan.Esaki sigur ta un iniciativa positivo di sra Jonella Oduber
Jonella Oduber un mama Arubano a introduci un buki di pinta di paisahenan di Aruba
