Lider di PNP : Mester tuma decisionnan doloroso pero necesario pa garantisa stabilidad a largo plazo

Den marco di e debatenan profundo cu ta tumando luga den e reunion di tripartiet na Hulanda, e lider di e Partido Nashonal di Pueblo (PNP) di Corsou a baha fuertemente riba e necesidad di pasa for di discusion politico pa ehecucion real. Segun Ruthmilda ‘Mimi’ Larmonie-Cecilia di Corsou , e implementacion di e reformanan structural via e areglo mutuo (onderlinge regeling) ta rekeri determinacion, inclusivo ora e decisionnan por ta doloroso den cuminsamento.
E lider di PNP a enfatisa cu e reformanan aki no por keda hancra den un de bate puramente retorico of partidista. Pa por mira e cambionan refleha den e comunidadnan di Aruba, Corsou y Sint Maarten, mester drenta den e fase di accion concreto cu un bista a largo plazo.
Un di e puntonan di mas fuerte den e declaracion di e lider di PNP tabata e yamada pa saca e reformanan structural for di e arena di politica tradicional.
Evita politiqueria: E reformanan aki mester wordo evalua y implementa structuralmente a base di kico ta bon pa e pais, y no uzando nan como herment pa campana of pa beneficio politico selectivo.
Vision di bienestar colectivo: Cada decision structural cu wordo tuma, mester tin como unico meta e bienestar real di cada un di nos ciudadanonan.
Na final di dia, e batuta mester wordo tuma. Mester pone e scoudernan duna e reformanan aki un bista structural a largo plazo, pa asina e decisionnan aki por mas duro cu nan por ta awor,por duna un resultado exitoso y duradero pa futuro di nos pais,” e lider di e partido di Corsou a declara.
Hunto cu e yamada pa urgencia, a bini dilanti e cuestionamento crucial riba e balance structural cu mester existi den e lunanan cu ta bini. E peso diario di trabou cu e ambtenaarnan publico ta carga den cada pais ta un factor determinante pa e exito di e cambionan aki.
E implementacion di reformanan structural no mag di nifica un sobrecarga cu ta paralisa e aparato gubernamental, sino un transicion organico caminda e personal publico ta haya e hermentnan necesario pa ehecuta e vision nobo.
E posicion firme aki di PNP di Corsou ta duna un peso extra na e cohesion di e tres islanan, cu structuralmente ta preparando un frente uni y un bloko solido pa e de batenan di e Interparlementair Koninkrijskaorleg (IPKO).